वेगवेगळ्या नावांनी वेगवेगळ्या जिल्ह्यांत दिवसा पायदान विक्रीच्या नावाखाली रेकी करून रात्रीच्या वेळी दरोडा टाकणाऱ्या हाफ चड्डी गँगच्या चार अट्टल दरोडेखोरांना अटक करण्यात आली. नाशिकरोड गुन्हे शोध पथकाने अंधारात भर पावसात मक्याच्या शेतात तासभर सिनेस्टाइल सर्च ऑपरेशन राबवून संशयितांना बेड्या ठोकल्या. या दरोडेखोरांकडे तब्बल २८ धारदार चाकू आणि एक कोयता अशा शस्त्रांचे घबाड आढळल्याने सुरुवातीला पोलिसही चक्रावून गेले. हे चारही दरोडेखोर पळसे शिवारात दरोडा टाकण्याच्या तयारीत होते, अशी माहिती परिमंडळ दोनचे पोलिस उपआयुक्त किशोर काळे, सहायक पोलिस आयुक्त डॉ. सचिन बारी यांनी शुक्रवारी (दि. २२) दिली.

मोठी बातमी: मुंबईतील मालाडमध्ये रहिवासी इमारतीला भीषण आग; अनेकजण अडकल्याची भीती

रवीकुमार भोई (वय २७, रा. अंबरनाथ, ता. कल्याण), शिवा विक्रम वैदू (३६, रा. आनंदनगर, जळगाव), विष्णू शंकर भोई (३०, रा. टायगर गाव, कल्याण फाटा, ता. कल्याण) आणि आकाश गोपाळ वैदू (३८, रा. पाचोरा जि. जळगाव) अशी अटक केलेल्या संशयितांची नावे आहेत.

अवैध गॅसभरणा अड्डा उद्ध्वस्त

नाशिकरोड : देवळाली गावातील पाटील गॅरेजच्या मागील बाजूस भारती मठाजवळ असलेल्या एका पत्र्याच्या शेडमध्ये सुरू असलेला खासगी वाहनांत अवैधरित्या घरगुती गॅस भरणा अड्डा गुन्हे शाखा दोनच्या पोलिस पथकाने उद्ध्वस्त केला. या कारवाईत ८२ हजार ८२० रुपयांचा ऐवज पोलिसांनी जप्त करून हा अड्डा चालविणारा विशाल बाजीराव बोंडारे (वय २९, रा. वंदे भारत अपार्टमेंट, औटे मळा, जय भवानी रोड) या संशयिताला बेड्या ठोकल्या.