राज ठाकरे-देवेंद्र फडणवीस असो किंवा अमित ठाकरे-आशिष शेलार.. दोन्ही भेटीगाठी नियोजित आणि अधिकृत होत्या. कारण राज ठाकरे आणि देवेंद्र फडणवीस यांची भेट मुख्यमंत्र्यांच्या ‘वर्षा’ या शासकीय निवासस्थानी झाली, तर अमित ठाकरे आणि शेलार यांच्या भेटीची माहिती आदल्या दिवशीच देण्यात आली होती. त्यानुसार शेलारांच्या वांद्य्रातील कार्यालयात दोघं भेटले. परंतु बेस्ट निवडणुकीत झालेल्या पराभवाची किनार या भेटीगाठींना असल्याने ‘टायमिंग’ची चर्चा रंगली आहे.
Trimbak Tupe : उद्धवजींबद्दल तक्रार नाही, पण आश्वासन मोडलं; 37 वर्षांची साथ सोडली, माजी महापौरांचा ठाकरेंना ‘जय महाराष्ट्र’

अमित ठाकरे काय म्हणाले?

“गणेशोत्सव काळात शाळा, कॉलेज यांच्या परीक्षा पुढे ढकलाव्यात, अशी मागणी आशिष शेलार यांच्याकडे केली. नुकत्याच झालेल्या अधिवेशनात शेलारांनी गणेशोत्सवाला राज्य महोत्सवाचा दर्जा दिला. त्यानंतर आमच्याकडे तक्रारी आल्या, की काही खासगी शाळा-कॉलेजमध्ये गणेशोत्सव काळात परीक्षा सुरु आहेत. राज्य महोत्सवाचा दर्जा असल्याने अशा शाळा-कॉलेजात परीक्षा होऊ नयेत” असं अमित ठाकरे म्हणाले.
Vaishali Suryawanshi : ठाकरेंशी एकनिष्ठ, शिवसेनावासी भावाविरोधात विधानसभा लढवली, वैशाली सुर्यवंशींनी अचानक ‘शिवबंधन’ का सोडलं?
शाळा, कॉलेजसंबंधी मागणीसाठी शालेय शिक्षण मंत्र्यांकडे का गेला नाहीत? असा प्रश्न पत्रकारांनी विचारला असता, मला असं वाटलं की वेगवेगळ्या मंत्र्यांकडे जाण्यापेक्षा सांस्कृतिक मंत्र्यांची भेट घ्यावी, कारण त्यांनी गणेशोत्सवाला राज्य महोत्सव करण्याची उत्तम संकल्पना मांडली. त्यांनीच सर्वांना परिपत्रक काढायला सांगावं.

राज ठाकरे आणि आशिष शेलार यांच्यात मध्यंतरी दुरावा निर्माण झाल्याच्या चर्चा होत्या, त्यावर अमित यांना विचारलं असता, ते म्हणाले की “राज साहेब आणि आशिष शेलार यांच्यात दुरावा कधीच नव्हता. ज्या टीका केल्या, त्या राजकीय होत्या, वैयक्तिक नाही. विरोधी पक्षात असताना टीका व्हायलाच हव्यात, पण वैयक्तिक दुरावा कधीच नव्हता.” गणपती दर्शनासाठी आशिष शेलार यांना आमंत्रण दिलं का, असा प्रश्न विचारला असता “राज साहेबांनी दिलंय, ते येतील” असं अमित म्हणाले. तर उद्धव ठाकरेंना निमंत्रण दिलंय का या प्रश्नावर “सरप्राईज आहे ते” असं अमित मिश्किलपणे म्हणाले.