ऑनलाइन आराखडा रात्री प्रसिद्ध करण्यात आला. शहरात ११५ वॉर्ड असून त्याचे २९ प्रभाग तयार करण्यात आले आहेत. प्रसिद्ध झालेल्या आराखड्यावर संबंधितांना चार सप्टेबरपर्यंत सूचना – हरकती नोंदवता येणार आहेत.
नाशिक महापालिकेची प्रभाग रचना जाहीर; नवीन काय बदल? निवडणुकांसाठी जानेवारीचा मुहूर्त
नगर विकास विभागाच्या आदेशानुसार छत्रपती संभाजीनगर महापालिकेने प्रभाग रचना केली. छत्रपती संभाजीनगरात ११५ वॉर्ड आहेत. त्यामुळे चार वॉर्डांचे २८ प्रभाग आणि तीन वॉर्डांचा एक प्रभाग या प्रमाणे २९ प्रभागांची रचना करण्यात आली. तयार करण्यात आलेला प्रभाग रचनेचा आराखडा महापालिकेने नगर विकास विभागाकडे निर्धारित वेळेत सादर केला, या विभागाने आराखड्याची छाननी केल्यावर त्यात काही त्रुटी आढळून आल्या. त्रुटींची पुर्तता करुन महापालिकेने गुरुवारी (२१ ऑगस्ट) सुधारित प्रभाग रचनेचा आराखडा नगर विकास विभागाच्या अधिकाऱ्यांना सादर केला. हा आराखडा सादर करताना त्याचे सादरीकरणदेखील करण्यात आले.
वडिलांचा इशारा, आईने हातात चाकू दिला; चार मुलांचा शेजारी कुटुंबावर हल्ला, जमिनीच्या वादातून संभाजीनगरमध्ये खळबळ
सुधारित आराखड्याची छाननी केल्यावर नगर विकास विभागाने तो आराखडा राज्य निवडणूक आयोगाला सादर केला. आयोगाने शुक्रवारी उशिरा या आराखड्याला मंजूरी दिली आणि आराखडा ऑनलाईन प्रसिध्द करण्याचे आदेश महापालिकेला दिले. छत्रपती संभाजीनगर महापालिकेच्या निवडणूक विभागाचे उपायुक्त विकास नवाळे यांनी त्याला दुजोरा दिला. ते म्हणाले, प्रभाग रचनेच्या आराखड्याला निवडणूक आयोगाची मंजुरी मिळाली आहे आणि काही वेळात महापालिका हा आराखडा ऑनलाईन प्रसिध्द करणार आहे. प्रसिध्द करण्यात आलेल्या प्रभाग रचनेच्या आराखड्यावर चार सप्टेबर २०२५ पर्यंत संबंधितांना सूचना – हरकती घेता येणार आहेत.