सोशल मीडियावर वेगाने पसरलेल्या या व्हिडिओमध्ये दिसते की, आलिशान फॉर्च्युनर कार अतिवेगाने रस्त्यावर धावत आहे. एवढेच नव्हे, तर कारच्या छतावर बसून एक युवक थेट जीवाशी खेळ करत असल्याचे स्पष्ट दिसते. हा प्रकार केवळ स्टंट करणाऱ्याच्या जीवाला धोका निर्माण करणारा नसून, रस्त्यावरून जाणाऱ्या इतर वाहनचालक आणि नागरिकांसाठीही गंभीर धोका ठरू शकतो.

पती सुधाकर चकमकीत ठार, आता पत्नी सरेंडर, 1 कोटींचं बक्षीस असलेल्या महिलेचं आत्मसमर्पण

वाहतूक विभागाने या घटनेची गंभीर दखल घेतली आहे. पोलिसांनी सांगितलं की, या व्हिडिओतील गाडी व तरुणांची ओळख पटवण्यासाठी सीसीटीव्ही फुटेज तसेच उपलब्ध व्हिडिओंचा वापर केला जात आहे. दोषींवर कठोर कारवाई केली जाईल, असेही अधिकाऱ्यांनी स्पष्ट केले आहे. प्राथमिक चौकशीत हा प्रकार मागील दोन दिवसांत घडल्याचे समोर आले असून, तो सिव्हिल लाईन व सेमिनरी हिल परिसरातील असल्याची माहिती मिळाली आहे.

गेल्या काही काळापासून सोशल मीडियावर लोकप्रिय होण्यासाठी धोकादायक स्टंट करणाऱ्या तरुणांची संख्या वाढली आहे. काही सेकंदांचा व्हिडिओ तयार करून ‘लाईक्स’ आणि ‘फॉलोअर्स’ मिळवण्याच्या हव्यासात हे युवक आपला जीव धोक्यात घालतात. दुर्दैवाने या प्रकारामुळे रस्ते अपघातांची शक्यता दुपटीने वाढते आणि निष्पाप लोकही त्यात सापडू शकतात.

Ahilyanagar News : जिवंतपणी मला मदत झाली नाही, मेल्यावर तरी…; VIDEO बनवत शेतकऱ्यानं आयुष्य संपवलं, महाराष्ट्र हळहळला

अशा घटनांना आळा घालण्यासाठी केवळ कायद्याने शिक्षा पुरेशी नाही, तर समाजात जनजागृतीही तितकीच आवश्यक आहे. पालकांनी आपल्या मुलांच्या वाहनवापरावर लक्ष ठेवणे, तसेच युवकांनी सोशल मीडियावरील आंधळ्या स्पर्धेत पडू नये, हे सुनिश्चित करणे गरजेचे आहे. नागपूर पोलिसांनी नागरिकांना आवाहन केले आहे की, अशा प्रकारचे स्टंट दिसल्यास तातडीने पोलिसांना कळवावे. अशा धोकादायक कृत्यांना प्रोत्साहन न देता समाजानेच त्याला विरोध करणे, ही आजची गरज असल्याचे मत व्यक्त होत आहे.