जलसंपदा विभागाने गुरुवारी राज्यातील सर्व प्रमुख धरणांतील पाणीसाठ्याचा अहवाल जाहीर केला. यानुसार, राज्यातील मोठ्या प्रकल्पांअंतर्गत एकूण १३८ धरणांमध्ये ८८.६५ टक्के पाणी उपलब्ध आहे. त्यामध्ये २५८००.३३ दशलक्ष घनमीटर इतका उपयुक्त पाणीसाठा आहे. या १३८ मोठ्या प्रकल्पांमध्ये नागपूर विभागामधील १६, अमरावती विभागामधील १०, छत्रपती संभाजीनगरमधील ४४, नाशिक येथील २२, पुणे येथील ३५ आणि कोकणातील ११ धरणांचा समावेश आहे.
Ganeshotsav 2025: गणपतीसाठी कोकण रेल्वे सज्ज; प्रवाशांना कोणत्या सुविधा मिळणार? कसं असेल नियोजन?
तीन विभागांमध्ये धरणांतील पाणीसाठा ९० टक्क्यांपेक्षा अधिक आहे. यात कोकणातील ११ धरणांमध्ये सर्वाधिक ९४.६८ टक्के पाणीसाठा आहे. त्यापाठोपाठ पुण्यातील धरणांमध्ये ९४.०८ टक्के, तर छत्रपती संभाजीनगरमध्ये ९०.०७ टक्के पाणी आहे. नाशिकच्या धरणांमध्ये ८५.५२ टक्के, अमरावतीमध्ये ८५.०३ टक्के आणि नागपूर येथे ६८.८५ टक्के पाणीसाठा उपलब्ध आहे.

दरम्यान, राज्यात येत्या २४ तासांसाठी पुणे घाट परिसरात ऑरेंज ॲलर्ट देण्यात असून, भारतीय हवामान विभाग आणि राष्ट्रीय रिमोट सेन्सिंग केंद्र या केंद्रीय संस्थेशी सतत संपर्क साधून पुढील हवामानाच्या अंदाजाची माहिती देत आहे.
बाळासाहेब थोरातांच्या केसालाही धक्का लागणार नाही; कॉंग्रेस प्रदेशाध्यक्ष हर्षवर्धन सपकाळ संतापले
गेल्या वर्षीच्या तुलनेत दिलासा
राज्यातील सर्व धरणांमध्ये गेल्या वर्षीच्या तुलनेत यंदा पाणीसाठा अधिक असल्याचे दिसते. मोठ्या प्रकल्पाअंतर्गत असणाऱ्या धरणांमध्ये गेल्या वर्षी याच दिवशी ७६.७० टक्के इतका पाणीसाठा होता. तो यंदा ८८.६५ टक्क्यांवर पोहचला आहे. मध्यम प्रकल्पांतर्गत येणाऱ्या धरणांमध्ये गेल्या वर्षी ६१.९२ टक्के इतका साठा होता, हा आकडा यंदा ७४.८४ टक्क्यांवर आहे. लघू प्रकल्पांतर्गत धरणांमध्ये गेल्या वर्षी ४०.५० टक्के पाणी शिल्लक होते. या धरणांमध्ये सध्या ५०.६८ टक्के पाणीसाठा असल्याचे सांगण्यात आले. त्याशिवाय, महाराष्ट्र राज्य प्रकल्पांतर्गत येणाऱ्या धरणांमध्ये गेल्या वर्षी याच दिवशी ६९.४० टक्के पाणीसाठा होता. तो यंदा थेट ८१.२२ टक्क्यांवर पोहोचला.

कोकण विभागात सर्वाधिक ९४.६८ टक्के पाणीसाठा
मोठ्या धरणांमधील पाणीसाठा (दलघमी)
विभाग –यावर्षीचा पाणीसाठा –गेल्यावर्षीच्या पाणीसाठा
नागपूर —६८.८५ —७९.५३
अमरावती —८५.०३ —६४.१६
छत्रपती संभाजी नगर —९०.०७ —३२.८७
नाशिक —८५.५२ —७५.६२
पुणे —९४.०८ —९०.७२
कोकण —९४.६८ —९४.५९
एकूण —८८.६५ —७६.७०