प्रथमवर्ग न्यायदंडाधिकारी एन. एस. सय्यद यांनी याबाबतचा आदेश दिला. त्यांनी हडपसरमधील शिंदे वस्ती येथे राहणाऱ्या तीन दूधविक्रेत्यांना दंड प्रक्रिया संहितेच्या कलम २५२ नुसार दोषी ठरवित महाराष्ट्र महापालिका अधिनियमांतर्गत प्रत्येकी साडेपाचशे रुपयांचा दंड ठोठावला. दंड न भरल्यास आरोपींना न्यायालय उठेपर्यंत साध्या कैदेची शिक्षा भोगावी लागेल, असे निकालात नमूद केले. न्यायालयाच्या आदेशानुसार तिन्ही दूधविक्रेत्यांनी दंडाची रक्कम न्यायालय प्रशासनाकडे जमा केली.
Pune Crime : 11 वर्षीय मुलीचे कपडे बदलताना फोटो काढले, धमकावत पाच वर्ष अत्याचार, पुण्यात 44 वर्षीय नराधमाला बेड्या
हडपसर येथील शिंदे वस्तीत म्हशींचे गोठे आहेत. तेथे रस्त्यावरच शेण साठविले जात असल्याचे महापालिकेच्या पाहणीत आढळले. या प्रकरणी तीन दूधविक्रेत्यांवर महाराष्ट्र महापालिका अधिनियमांतर्गत गुन्हा दाखल करण्यात आला. तिघांना न्यायालयासमोर हजर करण्यात आले. तिघांनी आपली चूक कबूल केली. ‘आपण गरीब असून, कुटुंबाची जबाबदारी आहे. त्यामुळे तुरुंगवासाची शिक्षा झाल्यास कुटुंबाला अडचणी येतील,’ असे तिघांनी सांगितले. त्यावर, तिन्ही आरोपी हे कुटुंबातील एकमेव कर्ते असल्याचे लक्षात घेऊन न्यायालयाने त्यांना दंड ठोठावला.

गरिबी, उदरनिर्वाहाने अस्वच्छतेचे समर्थन होऊ शकत नसल्याचा थेट संदेशच न्यायालयाने दिल्याचे ॲड. राकेश सोनार यांनी सांगितले.

‘आमच्या परिसरात रस्त्यावर रोज शेणाचा सडा पडलेला दिसतो. अस्वच्छतेमुळे दुर्गंधी, माशा-डासांचा प्रादुर्भाव वाढला आहे. नागरिकांचे आरोग्य धोक्यात येत आहे. याबाबत महापालिकेकडे वारंवार तक्रार करूनही दखल घेतली जात नव्हती. सार्वजनिक आरोग्य धोक्यात आणणाऱ्यांना आता महापालिका न्यायालयानेच दंड ठोठावला असून, महापालिकेने कठोर कारवाई केली, तर हा परिसर स्वच्छ होईल,’ असे शिंदे वस्ती येथील रविराज ग्रीनरिया सोसायटीचे तुषार बिनवडे म्हणाले.