संजय चिदंबरम कुलकर्णी, वय 44 वर्ष, रा. आंबेगाव पठार) असे अटक आरोपीचे नाव आहे. त्याच्याविरोधात 16 वर्षीय मुलीने भारती विद्यापीठ पोलिस ठाण्यात तक्रार दिली आहे. त्यानुसार, आरोपीविरोधात लैंगिक अत्याचारापासून बालकांचे संरक्षण कायदा (पोक्सो) व भारतीय न्याय संहितेच्या कलमांनुसार बलात्काराचा गुन्हा दाखल करण्यात आला आहे. हा प्रकार 2019 ते जुलै 2025 दरम्यान घडला.

आरोपीचा पीडितेच्या कुटुंबियांशी परिचय आहे. त्याचा गैरफायदा घेऊन आरोपी पीडित मुलगी 11 वर्षांची असल्यापासून तिच्यावर लैंगिक अत्याचार करत होता. आरोपीने कारमध्ये पीडितेचा विनयभंग केला; तसेच मोबाइलमध्ये तिची कपडे बदलतानाची छायाचित्रे काढून ते प्रसारित करण्याची धमकी देऊन ‘ब्लॅकमेल’ केले, असे तक्रारीत नमूद आहे. वरिष्ठ निरीक्षक राहुलकुमार खिलारे यांच्या मार्गदर्शनाखाली सहायक निरीक्षक स्नेहल थोरात तपास करीत आहेत.
Pune Accident : अष्टविनायक महामार्गावर ट्रक दुधाच्या टँकरमध्ये घुसला, एकाच कुटुंबातील तिघांचा मृत्यू

अश्लील शिवीगाळीचा व्हिडिओ महिलेला पाठवला

दुसरीकडे, अश्लील शिवीगाळीचा व्हिडिओ महिलेला पाठविणाऱ्यावर कोंढवा पोलिस ठाण्यात गुन्हा नोंदवला आहे. मुक्तार गफार सय्यद, वय 50 वर्ष, रा. जुना मेहरून रोड, जळगाव, असे गुन्हा दाखल झालेल्याचे नाव आहे. याबाबत एका 50 वर्षीय महिलेने तक्रार दिली आहे. आरोपीने तक्रारदार महिलेला व्हॉट्स अ‍ॅपवरून व्हिडिओ पाठविला. तक्रारदाराच्या पतीला अश्लील भाषेत शिवीगाळ केली. हा प्रकार 31 जुलै रोजी रात्री पावणेअकरा वाजण्याच्या सुमारास घडला, असे तक्रारीत नमूद आहे.
Mumbai Crime : गोरेगावमध्ये प्रख्यात बिल्डरच्या मुलीने आयुष्य संपवलं, लंडनला जाण्याआधी टोकाचं पाऊल, ओबेरॉय संकुलात 6 महिन्यात चौघांनी दिलेत जीव

अल्पवयीन मुलींचे शहरात अपहरण

दरम्यान, छत्रपती संभाजीनगर येथे घरात कोणाला काहीही न सांगता 14 वर्षीय अल्वयीन मुलगी निघून गेली. या मुलीचा तिचे आई-वडील आणि नातेवाइकांनी तिच्या मैत्रीणींकडे शोध घेतला. मात्र, मुलगी सापडली नाही. या प्रकरणी अपहरणाचा गुन्हा दाखल करण्यात आला आहे.
ही घटना 16 ऑगस्टला सकाळी सहा वाजेच्या सुमारास घडली. या प्रकरणी 14 वर्षीय मुलीचे अपहरण करणाऱ्या संशयीताविरोधात एमआयडीसी वाळुज पोलिस ठाण्यात गुन्हा दाखल करण्यात आला आहे. या प्रकरणाचा तपास पोलिस उपनिरीक्षक आबुज करीत आहेत.