आरे जेव्हीएलआर -बीकेसी -आचार्य अत्रे चौक या भुयारी मेट्रो ३चा पहिला टप्पा ७ ऑक्टोबर २०२४ रोजी प्रवासीसेवेत आला. या पहिल्या टप्प्यात छत्रपती शिवाजी महाराज आंतरराष्ट्रीय विमानतळ टर्मिनल २ हे स्थानक आहे. हे स्थानक विमानतळाच्या पुढ्यात असले तरीही तिथून विमानतळाची टर्मिनल इमारत ४५० मीटर दूर आहे. यादरम्यान प्रवाशांना सामान घेऊन पायीच अंतर कापावे लागत असून, वर छतदेखील नसल्याने उन्हात व पावसात मोठी गैरसोय होत होती. यामुळेच मेट्रो विमानतळाच्या दारात असूनही प्रवासी त्याचा वापर करीत नव्हते.
Worlds Second Largest Ship : जगातील दुसऱ्या क्रमांकाचे मोठे जहाज मुंबईत, ‘सह्याद्री’द्वारे ‘एलपीजी’चे वहन होणार
हा विषय ‘ महाराष्ट्र टाइम्स ’ने लावून धरला होता. त्यानंतर ही मार्गिका उभी करणाऱ्या मुंबई मेट्रो रेल कॉर्पोरेशन लिमिटेड (एमएमआरसीएल), मुंबई महानगर प्रदेश विकास प्राधिकरण (एमएमआरडीए), विमानतळ प्रशासन व महापालिकेच्या अधिकाऱ्यांनी या जागेची ऑक्टोबर महिन्यातच तातडीने पाहणी केली होती. त्यावेळी याच मार्गिकेला जोडून एमएमआरडीए मेट्रो ७ अ ही अन्य भूमिगत मार्गिका उभी करीत असल्याने ते काम पूर्ण झाले की, विमानतळ प्रशासन दोन्ही स्थानकांच्या (मेट्रो ३ व मेट्रो ७ अ) प्रवाशांना थेट टर्मिनल इमारतीत आणण्यासाठी स्वतंत्र व्यवस्था उभी करेल, असे ठरले. मात्र, त्यास अद्याप वेळ असल्याने तोपर्यंत एमएमआरडीएने ही जोडणी उभी करावी, असे ठरले होते. ऑक्टोबर २०२४च्या निर्णयानंतर दहा महिन्यांनी अखेर हा पादचारी पूल उभा करण्यात आला आहे.

‘सध्या बांधकामाधीन असलेल्या भूमिगत मेट्रो ७ अच्या कामांच्या २३ मीटर उंचीवर हा पादचारी पूल उभारण्यासाठी काटेकोर नियोजन, अचूक अभियांत्रिकी कौशल्य आणि कठोर सुरक्षा उपायांची गरज होती. या सर्व बाबींवर मात करत सुरक्षितता व अचूकता राखत अत्यंत काळजीपूर्वक नियोजन करून सुरू असलेल्या प्रकल्पांमध्ये अडथळा न आणता हा पूल उभा करण्यात आला आहे. यामुळे स्थानकावरून विमानतळ टर्मिनल २मध्ये जाणाऱ्या प्रवाशांचे पायी अंतर ४५० मीटरवरून ११८ मीटरपर्यंत कमी झाले आहे’, असे ‘एमएमआरडीए’ने म्हटले आहे.