NCP Praful Patel: राजकारणात काम करताना मतभेद होऊ शकतात, परंतु ते मनभेदात बदलू नयेत, असा सल्ला खासदार प्रफुल्ल पटेल यांनी कार्यकर्त्यांना दिला. महायुती ही विकास आणि जनतेच्या हितासाठी आहे. कार्यकर्त्यांनी एकजूट ठेवून परस्परांचा आदर करत काम करावं, असं आवाहन त्यांनी केलं आहे.
गोंदिया व भंडारा जिल्हा मध्यवर्ती सहकारी बँक, भंडारा जिल्हा देखरेख सहकारी संस्था, भंडारा जिल्हा कृषी औद्योगिक संघ, भंडारा दुग्ध संघ, कृषी उत्पन्न बाजार समिती भंडारा, कृषी उत्पन्न बाजार समिती पवनी, कृषी उत्पन्न बाजार समिती लाखनी, कृषी उत्पन्न बाजार समिती तुमसर, गोंदिया जिल्हा मत्स्य व्यवसाय सहकारी संघ गोंदियाचे येथील संचालक व पदाधिकारी यांचा सत्कार सोहळा रविवारी झाला. गोंदियातील एनएमडी महाविद्यालयाच्या ऑडिटोरियममध्ये भाजप, राष्ट्रवादी काँग्रेस व शिवसेना महायुतीच्यावतीने हा सोहळा आयोजित करण्यात आला होता. यात कार्यकर्त्यांना संबोधित करताना खासदार प्रफुल्ल पटेल बोलत होते.
अजित पवार पुतण्याला बोलले, पण राम शिंदे भडकले; भाजपच्या वरिष्ठ नेत्यांकडे मोठी मागणी, नेमकं काय घडलं?
व्यासपीठावर आमदार परिणय फुके, आमदार विजय रहांगडाले, आमदार राजकुमार बडोले, आमदार राजू कारेमोरे, आमदार विनोद अग्रवाल, आमदार संजय पुराम, शिवसेना नेते किरण पांडव, माजी राज्यमंत्री नाना पंचबुद्धे, माजी आमदार राजेंद्र जैन यांच्यासह मान्यवरांची प्रमुख उपस्थिती होती.
दरम्यान, खासदार पटेल म्हणाले, महायुतीतील प्रत्येक पक्षाचे कार्यकर्ते आपल्या विचारधारेनुसार कार्य करतात. परंतु आपण एकत्र आलो असल्याने जनतेसाठी आणि विकासासाठी एकच ध्येय ठेवणे आवश्यक आहे. जिल्ह्याची प्रगती व सर्वसामान्यांच्या हिताचा विचार करून आपण पुढे जायचे असल्याचेही त्यांनी सांगितले.
लेखकाबद्दलअक्षय शितोळेअक्षय शितोळे | २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील रिपोर्टर्ससोबत समन्वय साधण्याचेही काम करत आहे. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत. यापूर्वी लोकमत, न्यूज १८ लोकमत आणि एबीपी माझा या संस्थांमध्येही कामाचा अनुभव असून मुंबईतील रूईया महाविद्यालयातून पत्रकारितेत पदवी प्राप्त केली आहे.… आणखी वाचा