मिळालेल्या माहितीनुसार, प्रियंका भीसम शाहू ही शासकीय तांत्रिक संस्थान, बर्डी येथे शिक्षण घेते. तिची परीक्षा मेघसाई प्रायव्हेट आयटीआय, डोंगरगाव येथे होती. मंगळवारी सकाळी वडील भीसम शाहू तिला परीक्षेला सोडण्यासाठी मोटारसायकलने डोंगरगाव येथे घेऊन आले. सकाळी दहा वाजता मुलीला परीक्षा हॉलवर सोडल्यानंतर ते रस्ता पार करण्यासाठी निघाले.

याच वेळी भारती ग्रुप ऑफ इंडस्ट्रीजच्या मालकीचा अशोक लेलँड कंटेनर क्रमांक MH 40 CM 9800 मोठ्या वेगाने त्या रस्त्यावरुन येत होता. कंटेनर चालकाने वेळेत वेग कमी न करता थेट शाहूंना जोरदार धडक दिली. यानंतर कंटेनरचं पुढील चाक त्यांच्या पायांवरुन गेलं. रस्त्याच्या दुभाजकावर आदळून ते गंभीर जखमी झाले. त्यांचा डोक्याला आणि पायांना गंभीर दुखापत झाल्याने त्यांचा घटनास्थळीच मृत्यू झाला.

परिसरातील नागरिकांनी तातडीने हिंगणा पोलिसांना अपघाताची माहिती दिली. पोलिस पथक त्वरित घटनास्थळी दाखल झाले. त्यांनी कंटेनर चालकाला ताब्यात घेत वाहन जप्त केले. अपघातामुळे रस्त्यावर काही काळ वाहतूक कोंडी झाली होती. या प्रकरणात हिंगणा पोलिस ठाण्यात गुन्हा नोंदवण्यात आला असून पुढील तपास सुरु आहे.

पोलिसांनी या घटनेचा तपास सीसीटीव्ही फुटेज आणि प्रत्यक्षदर्शींच्या जबाबांच्या आधारे सुरु केला आहे. प्राथमिक तपासानुसार, कंटेनर भरधाव वेगाने जात होता. चालकाने पादचारी पाहूनही वाहनावर नियंत्रण ठेवलं नाही.

Pune Accident : देवाचं नामस्मरण आणि भजनं म्हणत हसत-खेळत प्रवास, पुण्यातील पिकअप अपघातापूर्वी शेवटचा व्हिडिओ, दहा महिलांनी गमावले प्राण
या अपघातामुळे शाहू कुटुंबावर दु:खाचा डोंगर कोसळला आहे. मुलीच्या भविष्यासाठी काळजी घेणारे वडील परीक्षेच्या दिवशीच अशा प्रकारे गमावल्याने प्रियंका हिच्यावर मोठा मानसिक आघात झाला आहे. घटनेनंतर डोंगरगाव परिसरातील नागरिकांनी वाहतुकीवरील नियंत्रणासाठी आणि पादचाऱ्यांच्या सुरक्षेसाठी योग्य पायाभूत सुविधा उभारण्याची मागणी केली आहे.
BEST Bus Accident : आधी बाबा गेले, आता आईही… योगा क्लासहून परतताना बसने चिरडलं, अपघातस्थळी पडलेली ती वस्तू पाहून हळहळ
डोंगरगाव औद्योगिक परिसर असल्याने मोठ्या प्रमाणावर ट्रक आणि कंटेनरची वर्दळ असते. अशा ठिकाणी स्पीड ब्रेकर, वाहतूक सिग्नल आणि पोलिस गस्त आवश्यक असल्याचे नागरिकांचे म्हणणे आहे.