मृत युवकाचे नाव दीपेश राजू तनवाणी (वय 27 रा. गुलमंडी, ह. मु. एकदंत सोसायटी, चौथा मजला) असे आहे. दीपेशने गळफास घेतलेल्या फ्लॅटमध्ये पोलिसांना एक नोट आढळली. इंग्रजीत लिहिलेल्या सुसाइड नोटमध्ये ‘मी तुमच्या अपेक्षा पूर्ण करू शकलो नाही. माझ्यामुळे तुम्हाला त्रास झाला. परिवारांतील सर्व जण काळजी घ्या,’ असे लिहिले होते, असे पोलिस निरीक्षक अतुल येरमे यांनी सांगितले.
UP News: लेकींकडून मारहाण.. असं जीवन कोणाला जगावसं वाटेल; पत्नीचा छळ असह्य, व्यापाऱ्याने आयुष्य संपवलं
दीपेश माजी नगरसेवक राजू तनवाणी यांचा मुलगा होता. तो काही दिवसांपासून तणावात असावा. एकदंत अपार्टमेंटमधील राजू तनवाणी यांच्या मालकीच्या फ्लॅटमध्ये दीपेश थांबला होता. आईशी फोनवरून संवाद साधून त्याने ही माहिती दिल्याचे निकटवर्तीयांनी सांगितले. रात्री आठ वाजता संपर्क साधण्याचा प्रयत्न केला असता, संपर्क झाला नाही. त्यामुळे नातेवाइक एकदंत अपार्टमेंट येथे गेले. त्या वेळी दीपेशने जीव दिल्याचं समोर आले. या प्रकाराची माहिती तनवाणी कुटुंबीयांसह पोलिसांना देण्यात आली. पोलिस निरीक्षक अतुल येरमे यांच्यासह उस्मानपुरा पोलिस ठाण्याचे अधिकारी घटनास्थळी पोहोचले.

धारणगाव खडक येथे विवाहितेने आयुष्य संपवलं

धारणगाव खडक येथील 38 वर्षीय विवाहिता शीतल भाऊसाहेब पगारे यांनी घराच्या लोखंडी अँगलला ओढणीच्या सहाय्याने गळफास घेतला. या घटनेनंतर शीतल यांच्या माहेरकडील नातेवाइकांनी पतीचे अनैतिक संबंध आणि सासरच्या मंडळींकडून होणाऱ्या छळामुळेच शीतलने जीव दिल्याचा आरोप केला आहे.
Kerala News: प्रेमाचा भयंकर शेवट; धर्मांतरासाठी सतत दबाव, छळ अन् मारहाण, रमीजच्या जाचामुळे सोनाने जीव दिला
राहुल यशवंत भोसले (वय 23, रा. पिंपळस रामाचे, ता. निफाड) यांनी लासलगाव पोलिसांत फिर्याद दिली आहे. 2 मार्च 2008 रोजी शीतलचा भाऊसाहेब मधुकर पगारे यांच्याशी झाला होता. विवाहानंतर आज पावेतो सासू मंदाबाई मधुकर पगारे, दीर राहुल मधुकर पगारे, मामे सासरे सुरेश मोतीराम सोनवणे आणि पती भाऊसाहेब यांनी संगनमत करून वेळोवेळी शीतला शारीरिक व मानसिक छळ केला, असा आरोप आहे. भाऊसाहेब पगारे, राहुल पगारे व सुरेश सोनवणे यांना पोलिसांनी अटक केल्यानंतर मध्यरात्री मृतदेहावर अंत्यसंस्कार करण्यात आले.