राष्ट्रवादी शरद पवार गटाचे नेते जितेंद्र आव्हाड आज धाराशिव जिल्हा दौऱ्यावर होते. यावेळी भाजप कार्यकर्त्यांनी जितेंद्र आव्हाडांची गाडी अडवली. आव्हाड समर्थक आणि भाजप कार्यकर्ते मंदिराबाहेर आमनेसामने आल्याचं पाहायला मिळाले. यावरुन ते म्हणाले, जाणीवपूर्वक पोलीस बंदोबस्त अपुरा ठेवला. मी एक तासापूर्वीच पोलिसांना गोंधळ होणार अशी कल्पना दिली होती. मी कुठलाही अजेंडा घेऊन आलेलो नाही, आई तुळजाभवानी माझ्या हृदयात आहे. छत्रपती शिवराय नतमस्तक होताना या दगडाने पाहिले, हे दगड तुम्ही काढणार का? या ऐतिहासिक वास्तूला मी तोडू देणार नाही, असंही यावेळी आव्हाड म्हणाले.
