बाजीराव दराडे यांनी आपल्या राजीनामा पत्रात म्हटले आहे की, मी संपर्क प्रमुख शिर्डी लोकसभा पदाचा राजीनामा देत आहे. यापुढे मी शिवसेना शिंदे गट पदाचा कुठेही वापर न करता राजकीय, सामाजिक काम स्वाभिमानी विचार व तत्वाशी तडजोड न करता करत राहीन. आम्ही आज अहिल्यानगर जिल्ह्यात जी संघटनेची वाटचाल व पद नियुक्त्या सुरू आहे, त्या चुकीच्या होत असल्यामुळे आम्ही आमच्या पदाच्या जबाबदारीमधून कार्यमुक्त होत आहे व माझा पदाचा राजीनामा सादर करत आहे, असे या राजीनामाच्या पत्रात नमूद केले आहे. सेनेला जय महाराष्ट्र केल्यानंतर दराडे पुढे कोणता निर्णय घेतात? याकडे अनेकांचे लक्ष लागले आहे.

कोण आहेत बाजीराव दराडे?

बाजीराव दराडे अहिल्यानगर जिल्हा परिषदेचे माजी सदस्य असून जिल्हा नियोजन समितीवर देखील सदस्य होते. शिवसेनेत फूट पडल्यानंतर तत्कालीन शिर्डी लोकसभेचे खासदार सदाशिव लोखंडे यांच्या समवेत त्यांनी शिंदे गटासोबत जाण्याचा निर्णय घेतला. त्यानंतर शिर्डी लोकसभा मतदारसंघाचे शिवसेनेचे संपर्कप्रमुख म्हणून त्यांनी काम पाहिले. बाजीराव दराडे यांचा अकोले तालुक्यात दांडगा जनसंपर्क असून दराडे यांच्या राजीनाम्यामुळे एक मोठा गट शिवसेनेतून बाहेर पडण्याची चिन्हे दिसत आहे.
Maharashtra Politics : …तर जिंकलो असतो ना! ठाकरेसेना-मनसेच्या मनोमिलन बैठकीतच मोठा राडा, भर कार्यक्रमातच बाचाबाची

दराडेंचा मेंगाळ यांच्यावर आरोप आणि वादाला सुरुवात

आदिवासी नेते मारुती मेंगाळ यांनी शिवसेनेत प्रवेश करताना कार्यकर्त्यांची बोगस यादी देऊन पक्षाची दिशाभूल केल्याचे आरोप बाजीराव दराडे यांनी केले होते. त्याला उत्तर देताना मारुती मेंगाळ यांनी बाजीराव दराडे यांनीच बनावट यादी तयार केल्याचं सांगितलं होतं. एकनाथ शिंदे यांच्या दौऱ्यापूर्वी हे आरोप प्रत्यारोप सुरू होते. त्यामुळे एकनाथ शिंदे अकोल्याच्या दौऱ्यात नेमकं काय निर्णय घेण्यात? याकडे सर्वांच लक्ष लागलं होतं आणि अशातच एकनाथ शिंदे यांनी मेंगाळ यांना बळ दिल्याने नाराज झालेल्या बाजीराव दराडे यांनी पक्षाला सोडचिठ्ठी दिली आहे.
Uddhav Thackeray : राज ठाकरे राहुल गांधींना भेटणार का? पत्रकारांचा प्रश्न, उद्धव ठाकरेंमधला ‘दादू’ जागा; म्हणाले, आम्ही दोघं भाऊ…

भाषणात काय म्हणाले होते एकनाथ शिंदे?

मी शिवसेना पक्षाचा प्रमुख आहे तुम्हाला कोणापासूनही त्रास होणार नाही, याची जबाबदारी माझी आहे, म्हणून ती व्यवस्था देखील झालेली तुम्हाला पाहायला मिळेल. हा पक्ष मालक आणि नोकरांचा नाही, हा पक्ष कार्यकर्त्यांचा आहे. जो काम करेल तो पुढे जाईल. जो काम करणाऱ्याला खोडा घालेल त्याला व्यवस्थितपणे बाजूला केलं जाईल. मला काम करणारा कार्यकर्ता आवडतो, अशा शब्दात उपमुख्यमंत्री एकनाथ शिंदे यांनी थेट कारवाईचे संकेत दिले होते. त्या अगोदरच दराडेंनी राजीनामा पाठवून दिला आहे.