अलीकडेच खासदार महाडिक यांनी नवी दिल्ली येथे केंद्रीय युवा व क्रीडा राज्यमंत्री रक्षा खडसे यांची भेट घेतली होती. या भेटीत त्यांनी हॉकी स्टेडियमसाठी मंजूर निधीतील उर्वरित रक्कम अद्याप न मिळाल्याची बाब स्पष्टपणे मांडली. त्यांनी याबाबतचे सविस्तर पत्रही राज्यमंत्री खडसे यांना दिले आणि तातडीने निधी मंजूर करण्याची विनंती केली. मंत्रालयाने या मागणीची गंभीर दखल घेत, तात्काळ कारवाई करत अंतिम हप्त्याच्या मंजुरीला हिरवा कंदील दाखवला. त्यानंतर थेट महानगरपालिकेच्या खात्यावर 1 कोटी 37 लाखांची रक्कम वर्ग करण्यात आली.
Kolhapur Crime : शेतातली माती उकरलेली दिसली, प्लास्टिकच्या पिशवीने शंका वाढली, पोलिस पाटलांना बोलावलं, अन्… कोल्हापूरमधील हातकणंगले हादरलं

ॲस्ट्रो टर्फ सहित हॉकी स्टेडियम होणार सज्ज..

या निधीचा उपयोग हॉकी स्टेडियममध्ये उर्वरित सुविधा उभारणे, सुधारित ॲस्ट्रो टर्फ बसविणे तसेच खेळाडूंना आवश्यक असलेली आधुनिक उपकरणे आणि सुसज्जता उपलब्ध करून देण्यासाठी केला जाणार आहे. यापूर्वीच केंद्राच्या मदतीने स्टेडियममध्ये प्राथमिक पायाभूत सुविधा आणि ॲस्ट्रो टर्फ बसविण्यात आले होते, मात्र प्रकल्प पूर्ण करण्यासाठी अंतिम निधीची प्रतीक्षा होती.
अखेर कोल्हापूरकरांसमोर ‘वनतारा’ झुकलं! ‘महादेवी’ पुन्हा नांदणी मठात येणार
आता हा टप्पा पूर्ण झाल्यामुळे मेजर ध्यानचंद हॉकी स्टेडियम राष्ट्रीय व आंतरराष्ट्रीय दर्जाच्या मानांकनासाठी पात्र ठरण्याची शक्यता निर्माण झाली आहे. यामुळे कोल्हापूरसह परिसरातील हॉकी खेळाडूंना दर्जेदार सराव आणि स्पर्धांसाठी उत्कृष्ट सुविधा उपलब्ध होतील. स्थानिक खेळाडू, प्रशिक्षक, पालकवर्ग आणि क्रीडाप्रेमींमध्ये या निर्णयामुळे प्रचंड उत्साह आहे. यावेळी खासदार धनंजय महाडिक यांनी मंत्री खडसे यांचे आभार म्हणत म्हटलंय की, “कोल्हापूरसारख्या क्रीडानगरीत हॉकीसारख्या खेळासाठी अत्याधुनिक सुविधा उपलब्ध व्हाव्यात हीच आमची इच्छा आहे. या निधीमुळे खेळाडूंना राष्ट्रीय स्तरावर अधिक उमेदीने पुढे जाण्याची संधी मिळेल.”