अजित पवार नेमकं काय म्हणाले?

अजित पवार यांनी आज पहाटे मोठ्या प्रमाणात वाहतूक कोंडी होणाऱ्या चाकण चौक आणि परिसराची पाहणी केली. यावेळी ते म्हणाले की, ‘पुणे-नाशिक आणि चाकण-शिक्रापूर मार्गावरील या चौकात वाहतूक कोंडी नित्याची असती. याच चौकातून चाकण एमआयडीसीमध्ये कर्मचाऱ्यांना जावं लागतं. या एमआयडीसीमध्ये १५०० छोट्या-मोठ्या कंपन्या आहेत. त्यात साडेतीन लाख कर्मचारी काम करतात. त्यामुळे या परिसरात लाखोंच्या संख्येत वाहनांची ये-जा असते. या चौकातील कोंडी फोडण्याचं मोठं आव्हान सरकारसमोर असणार आहे. त्यामुळे चाकण आणि परिसरात महानगरपालिका करावी लागणार आहे. काहींना आवडेल न आवडेल, पण हे करावं लागेल’, असं अजित पवार यांनी म्हटलं आहे.

Uddhav Thackeray : इंडिया आघाडीच्या बैठकीत उद्धव ठाकरे शेवटच्या रांगेत; शिवसेना-भाजपची बोचरी टीका, तुमच्यापेक्षा एकेक खासदारवाले पक्ष बरे
‘तुम्हाला आवडो किंवा न आवडो पण नजीकच्या काळात चाकण आणि या सर्व परिसरामध्ये महानगरपालिका करावी लागणार आहे, आणि महानगरपालिका केल्याशिवाय आपल्याला अधिकचा निधी आणि बाकीच्या ज्या काही गोष्टी आहेत . जसं की रस्ता अंडरग्राउंड ड्रेनेज, अशा अनेक गोष्टी असतात. यामध्ये बँकांचे वर्ल्ड बँकेचे पैसे आणता येतात, केंद्र सरकारचा निधी आणता येतो, या प्रकारे आपल्याला करावे लागेल. काहींना आवडेल न आवडेल. मात्र, काळानुसार निर्णय घ्यावे लागतात. मी देखील काम करताना पाहिलं आहे, अनेक जिल्ह्यांमध्ये नव्या महापालिका आल्या, ठाणे महानगरपालिका एकटी होती. त्यानंतर मुंबई महानगरपालिका झाली’, असंही अजित पवार यांनी म्हटलं आहे.

Buldhana News : घरातून निघाला, रेल्वे ट्रॅकवर आला; लोको पायलटला संशय, पण सगळं संपलेलं; बुलढाण्यात हळहळ
पुणे जिल्ह्यात नव्यानं तीन महापालिका कराव्या लागणार असल्याचं वक्तव्य अजित पवारांनी केलं आहे. ‘मांजरी, फुरसुंगी, उरळी देवाची या भागात एक महापालिका, चाकण भागात एक आणि हिंजवडी भागात एक महापालिका करावी लागणार आहे’, असंही अजित पवारांनी यावेळी बोलताना म्हटलं आहे.