Ganeshotsava 2025 : पुण्यातील गणपती विसर्जन मिरवणूक लवकर संपवावी, म्हणून यंदा टिळक रस्ता गणेशोत्सव विसर्जन मिरवणूक समितीच्या सदस्यांनी पुढाकार घेतला आहे.
काय आहेत उपाय योजना?
पुरम आणि जेधे चौकात दर वर्षी मोठ्या प्रमाणावर गर्दी असते. अनेक मंडळांना तासन् तास या चौकांमध्ये थांबून राहावे लागते. या दोन्ही चौकांतून जवळपास 205 मंडळे जातात. मिरवणूक लवकर संपवावी, म्हणून यंदा टिळक रस्ता गणेशोत्सव विसर्जन मिरवणूक समितीच्या सदस्यांनी पुढाकार घेतला आहे. या पार्श्वभूमीवर परिमंडळ दोनचे पोलिस उपायुक्त मिलिंद मोहिते यांच्यासह टिळक रस्ता गणेशोत्सव विसर्जन मिरवणूक समिती आणि मंडळांच्या कार्यकर्त्यांनी शुक्रवारी विसर्जन मिरवणूक मार्गाची पाहणी केली. जेधे चौक आणि पूरम चौकात ढोल-ताशासह डीजेला बंदी घालण्यात आली आहे. जेधे चौकातून सहभागी होणाऱ्या मंडळांनी पाच तासांमध्ये, तर पूरम चौकातून सहभागी होणाऱ्या मंडळांनी चार तासांमध्ये मिरवणूक संपवावी, या दृष्टीने उपाययोजना आखण्यात येणार आहेत.
Pune News : दीडशे प्रवाशांसह फ्लाईट पुणे विमानतळाच्या धावपट्टीवर, वेग पकडताच उजव्या इंजिनला पक्षी धडकला अन्…
स्वारगेट पोलिस ठाण्याचे निरीक्षक यशवंत निकम, खडक पोलिस ठाण्याच्या निरीक्षक (गुन्हे) शर्मिला सुतार, विश्रामबाग पोलिस ठाण्याचे निरीक्षक संतोष पांढरे, साने गुरुजी तरुण मंडळाचे अध्यक्ष धीरज घाटे, सेवा मित्र मंडळाचे अध्यक्ष शिरीष मोहिते, नेहरू तरुण मंडळाचे पुष्कर तुळजापूरकर, दर्शन मित्र मंडळाचे गणेश घोष, सत्यवीर मित्र मंडळाचे उमेश वैद्य, सुभाषनगर माडीवाले कॉलनी मित्र मंडळाचे विनायक धारणे, एकता मित्र मंडळाचे सुरेश ढमाले, शिवदर्शन मित्र मंडळाचे अमित बागूल, अचानक मित्र मंडळाचे हृषीकेश भुजबळ आदी उपस्थित होते.
बीडनंतर अजितदादांचा पुणे दौरा, पहाटेपासून कामाला सुरुवात; वाहतूक कोंडीच्या समस्येची माहिती घेतली
Pune News : इंजिनिअर पतीचा घटस्फोटाचा दावा, पत्नीची मुलासाठी 30 लाखांची मागणी, पुण्यातील दाम्पत्याचा वाद सामोपचाराने कसा मिटला?
टिळक रस्त्यावर काय स्थिती?
टिळक रस्त्यावरील विसर्जन मिरवणुकीत यंदा एक-दोन ढोल-ताशा पथकांना सहभागी होण्यास परवानगी देण्यात आली आहे. दुर्घटना टाळण्याठी मुख्य रस्त्याऐवजी अंतर्गत रस्त्यांवर विक्रेत्यांची व्यवस्था करण्यात येणार आहे. पोलिस प्रशासन आणि मंडळांमध्ये या वेळी विविध विषयांवर चर्चा करण्यात आली. चर्चेनुसार विसर्जन मिरवणूक रात्री १२ वाजता संपविण्यासाठी मंडळे आणि पोलिस प्रशासन प्रयत्न करणार आहेत.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा