एमएसएमई क्षेत्राचा महत्त्वाचा घटक रत्ने आणि दागिने उद्योगात महत्त्वाची भूमिका बजावत आहे. ते चार पट भविष्यात या क्षेत्रामध्ये तीन ते वाढ होणे शक्य आहे. देशाच्या जीडीप वाढीमध्ये एमएसएमईचे मोठे योगदान आहे. अशात वेगवेगळ्या क्षेत्रातील क्लस्टरवर भर देण्यात येत आहे. त्याअंतर्गत या क्षेत्रातील व्यावसायिक, व्यापारी, उद्योजकांना एकत्र आणून त्यांच्यासाठी सेवा-सुविधा लागू करण्यात येत आहेत. अशात राज्यातील सुवर्णकार व्यवसायिकांचे अनेक प्रलंबित प्रश्न सोडवण्यासाठी उद्योगमंत्री उदय सामंत यांच्या नेतृत्वात मंत्रालयात बैठक झाली.
Uday Samant : …तर आजही शरद पवार माझ्यासाठी धावून येतील, भरसभेत उदय सामंत असं का म्हणाले?
या बैठकीला विधानपरिषद सदस्य चित्रा वाघ, ऑल इंडिया जेम्स अॅण्ड ज्वेलरी डोमेस्टिक कौन्सिलचे अध्यक्ष राजेश रोकडे, पुरुषोत्तम कावळे, भरत ओसवाल, शैलेश खरोटे, सुभाष वडाला, गिरीश नवसे, मयूर सहाने, राजेंद्र डिंडोरकर, अमोल ढोमणे, वत्सल बांगरे, अंशुल हरडे, पंकज बखाई, राहुल आसरे, जीजेसी सचिव मितेश धोरदा यांच्यासह राज्यभरातील सुवर्णकार, ज्वेलर्सच्या संघटनांचे प्रतिनिधी उपस्थित होते.

उद्योगमंत्री सावंत यांच्यासोबतच्या बैठकीमध्ये नागपूर, मुंबई, नाशिक, कोल्हापूर येथे गोल्ड क्लस्टर उभारण्याच्या प्रस्तावावर सकारात्मक चर्चा झाली. काही ठिकाणी हे क्लस्टर्स पीपीपी अर्थात सरकारी-खासगी संयुक्त भागिदारी तत्त्वावर सुरू होणार आहेत. तर काही ठिकाणी ८० टक्के सबसिडी देऊन क्लस्टर उभारले जाईल. यामुळे स्थानिक सुवर्णकारांना सुविधायुक्त कामाचे ठिकाण, रोजगार, आणि जागतिक दर्जाचे प्रशिक्षण मिळणार आहे. उद्योगमंत्र्यांनी सरकारची भूमिका सकारात्मक असल्याचे स्पष्टपणे सांगत लवकरच कार्यवाही सुरू होणार असल्याची ग्वाही दिली.

मिहानचा पर्याय खुला

विदर्भात ३० हजार ज्वेलर्स आणि ७० हजार कारागीर आहेत. त्या सर्वांना या क्लस्टरचा लाभ होईल. अनेक महागड्या मशिन्स खरेदी करणे सराफा व्यापाऱ्यांना शक्य होत नाही. त्यांना क्लस्टरच्या माध्यमातून सुरू होणाऱ्या कॉमन फॅसिटीली सेंटरचा फायदा घेता येणार आहे. शहरातील क्लस्टरसाठी जागेचा शोध सुरू आहे. मिहानचादेखील आम्ही विचार करतोय, अशी माहिती ऑल इंडिया जेम्स अॅण्ड ज्वेलरी डोमेस्टिक कौन्सिलचे अध्यक्ष राजेश रोकडे यांनी दिली.