श्रीराम बुरुकले, वय – २७, असं आत्महत्या केलेल्या तरुणाचं नाव आहे. वयाच्या २७व्या वर्षी या तरुणाने मालगाडीसमोर येत आत्महत्या केली. ६ ऑगस्ट रोजी रात्री ८ वाजताच्या सुमारास नवीन बसस्थानकाच्या मागे लोहमार्गावर मालधक्क्याजवळ हा प्रकार घडला. तरुणाने मालगाडीसमोर उडी घेतल्यानंतर मालगाडीच्या लोकोपायलटने सदर घटनेची माहिती तातडीने रेल्वेस्थानकाच्या अधिकाऱ्यांना दिली आणि घडला प्रकार समोर आला.
Buldhana News : घराजवळ विजेचा धोकादायक खांब, विद्युत कंपनीच्या हलगर्जीपणाने शेतकऱ्याचा करुण अंत
मिळालेल्या माहितीनुसार, ६ ऑगस्ट रोजी रात्री आठच्या सुमारास नांदुरा रेल्वेस्थानकापासून हाकेच्या अंतरावर मालधक्क्याचं काम सुरू आहे. इथे ६ ऑगस्टच्या रात्री आठच्या सुमारास एक तरुण आत्महत्या करण्यासाठी लोहमार्गावर उभा असल्याचं त्या लाईनवरुन जाणाऱ्या मालगाडीच्या लोकोपायलटला दिसलं.
Nagpur News : उच्चशिक्षित महिलेची आठ पुरुषांसोबत लग्न, पन्नास लाखांची फसवणूक; नागपुरात ‘लुटेरी दुल्हन’ अखेर अटकेत
मालगाडी नांदुरा रेल्वे स्थानकावरुन निघाल्याने गाडीचा वेग अतिशय होता. पण तरुण गाडी खाली आल्याने गाडीच्या धक्क्याने तो लोहमार्गाच्या बाहेर फेकला गेला आणि त्यात त्याच्या डोक्याला जबर मार लागून त्याचा मृत्यू झाला. सदर घटनेची माहिती मालगाडीच्या लोकोपायलटने रेल्वे स्थानकावरील अधिकाऱ्यांना दिली आणि त्यानंतर त्यांनी रेल्वे पोलीसांना या घटनेची माहिती दिली. रेल्वे पोलीस घटनास्थळी दाखल झाले. नंतर मृत तरुण मंगेश श्रीराम बुरुकले रा. अंबादेवी गडाच्या मागे राहत असल्याची माहिती मिळाली.

पोलिसांनी पंचनामा केल्यानंतर मृतदेह शवविच्छेदनासाठी नांदुरा प्राथमिक आरोग्य केंद्रात आणला. गुरूवारी सकाळी शवविच्छेदन झाल्यानंतर शोकाकुल वातावरणात मंगेश याच्यावर अंत्यसंस्कार करण्यात आले. मृत मंगेश याच्या मागे आई आणि मोठा भाऊ असं कुटुंब आहे. मंगेशच्या जाण्याने परिसरात हळहळ व्यक्त होत आहे. त्याने आत्महत्येसारखं टोकाचं पाऊल का उचललं? हा प्रश्न अनेकांच्या मनात निर्माण झाला आहे.