खुल्या जागेत खड्डे पाडले होते; पावसाच्या पाण्याने खड्ड्यात पाणी साचून डबके झाले

अहिल शेखचा ज्या डबक्यात बुडून मृत्यू झाला त्या ठिकाणी ड्रेनेजच्या कामासाठी खड्डे पाडले होते, अशी प्राथमिक माहिती समोर आली आहे. दोन दिवसांपासून सोलापूर शहरात मुसळधार पावसाने हजेरी लावल्याने अनेक ठिकाणी पाणी साचले होते. खुल्या जागेत खड्डे झाले आणि पावसाचे पाणी त्या ठिकाणी साचून डबक्या सारखे चित्र निर्माण झाले होते. त्या खड्ड्यात पासून अहिल या चिमुरड्याचा मृत्यू झाला आहे.
Kerala Crime: खायला घातलं, मग क्रूरपणे मांजरीला संपवलं, इन्स्टा स्टोरी अन्… निष्पाप प्राण्यावरील अत्याचाराची भयंकर कहाणी

एक दिवसांपासून अहिल बेपत्ता होता

अहिल शेख हा बुधवारपासून बेपत्ता झाला होता. घराच्या पाठीमागील बाजूस एका खाजगी प्लॉटिंगच्या कंपाऊंडमध्ये ड्रेनेजच्या मेन हाऊसजवळ साचलेल्या पाण्यात अहिल पडला होता. अहिल शेख हा 6 ऑगस्ट 2025 रोजी सकाळी 8 वाजता घरातून बाहेर गेला होता. नातेवाईकांनी त्याचा शोध घेतला, परंतु तो आढळला नाही. गुरुवारी दुपारी 2 वाजण्याच्या सुमारास त्याचा मृतदेह ड्रेनेजच्या पाण्यात तरंगताना आढळून आल्याने परिसरात खळबळ उडाली.घटनेची माहिती मिळताच एमआयडीसी पोलीस ठाण्याचे पोलीस हेड कॉन्स्टेबल गायकवाड यांनी तात्काळ घटनास्थळी धाव घेतली. अहिलला बेशुद्ध अवस्थेत सोलापूर येथील शासकीय रुग्णालयात (सिविल हॉस्पिटल) दाखल करण्यात आले, परंतु उपचारापूर्वीच त्याचा मृत्यू झाल्याचे वैद्यकीय अधिकाऱ्यांनी जाहीर केले.

अहिलच्या आईचा आक्रोश पाहून अनेकांचे डोळे पाणावले

अहिलला मृत घोषित करताच आईने शासकीय रुग्णालयात हंबरडा फोडला.अहिलच्या आईचा आक्रोश पाहून शासकीय रुग्णालयात अनेकांचे डोळे पाणावले.