यासंदर्भात मनिष ठाकूर यांनी पोलिसात तक्रार दिली होती मात्र त्यावर कोणतीही कारवाई झाली नाही. तर या तीन तरुणांकडून मनिषला पुन्हा वारंवार ब्लॅकमेलिंग केले जात असल्याने या प्रकाराला कंटाळून अखेर आज मनीष ठाकूर याने आधी एक व्हिडिओ बनावला आणि पोलीस अधीक्षक कार्यालयासमोर जाऊन विष प्राशन केलं आणि आत्महत्येचा प्रयत्न केला असल्याचे मनिषाच्या भावाने सांगितले.

मनीष ठाकूरवर अनेक गुन्हे
ब्लॅकमेलिंगला कंटाळून विष प्राशन करणाऱ्या मनिषने मोबाईल हॅक करून काही लोक ब्लॅकमेलिंग करत असल्याची तक्रार एक महिन्यापूर्वी दिली होती. त्याचा तपास सुरू असून मोबाईल हॅक झाल्याचे निदर्शनास आले नाही. मात्र त्याला ब्लॅकमेलिंग केले जाऊ शकते त्याचाही तपास पोलिस करत असल्याचे जिल्हा पोलिस अधीक्षक अनुज तारे यांनी सांगितले त्याच बरोबर मनीष ठाकूर याची पार्श्वभूमी गुन्हेगारी स्वरूपाची असून त्याच्यावर काही गुन्हे दाखल सुद्धा आहेत. त्यामध्ये बलात्कारा सारखे कलम 376, एट्रोसिटी यासह इतरही गुन्हे दाखल असल्याचेही जिल्हा पोलिस अधीक्षक तारे यांनी सांगितले. आज त्याने जिल्हा पोलिस अधीक्षक कार्यालयाच्या आवारात विष प्राशन करण्याचा प्रयत्न केला मात्र उपस्थित पोलिस अंमलदारांनी त्याला त्यापासून परावृत्त केले आणि तत्काळ त्याला रुग्णालयात दाखल केलं. त्याच्यावर उपचार सुरू असून त्याची प्रकृती ठीक आहे. जर मनिषला कोणी ब्लॅकमेल करत असेल तर त्याचा तपास सुरू असून दोषी आढळल्यास त्याच्यावर कारवाई करण्यात येणार असल्याचेही जिल्हा पोलीस अधीक्षक अनुज तारे यांनी सांगितले.