गुरुवारी आणि शुक्रवारी दक्षिण कोकणामध्ये मेघगर्जनेसह पाऊस पडू शकतो. तसेच मध्य महाराष्ट्रात अहिल्यानगर, पुणे, पुणे जिल्ह्याचा घाट परिसर, कोल्हापूर, कोल्हापूर जिल्ह्याचा घाट परिसर, सातारा, सांगली, सोलापूर येथे गुरुवारी आणि शुक्रवारी मेघगर्जनेसह पाऊस पडू शकेल. मराठवाड्यात छत्रपती संभाजीनगर आणि जालना येथे शुक्रवारी तर परभणी, बीड, हिंगोली, नांदेड, लातूर, धाराशीव येथे गुरुवारी आणि शुक्रवारी मेघगर्जनेसह पावसाची शक्यता आहे. मराठवाड्यात तुरळक ठिकाणी मुसळधार पाऊसही पडू शकतो. विदर्भात भंडारा, चंद्रपूर, गोंदिया, नागपूर, वर्धा, यवतमाळ येथे मेघगर्जनेसह पावसाची शक्यता आहे. मुंबई, ठाणे, पालघर या परिसरात मात्र हलक्या सरींची शक्यता वर्तवण्यात आली आहे.
Mumbai Fraud: तुम्हालाही जुन्या नोटा, नाणी जमावायचा छंद आहे का? पण ‘अशी’ चूक नकोच! मुंबईत महिलेला 8 लाखांना गंडवलं
या पावसामुळे तापमानात फारसा दिलासा मिळण्याची शक्यता नाही, असा अंदाज आहे. संपूर्ण विदर्भ, जळगाव, छत्रपती संभाजीनगर, नाशिक व पुणे जिल्ह्यातील पूर्व भाग अशा १५ जिल्ह्यांत दुपारच्या कमाल तापमानात सरासरीपेक्षा तीन ते चार अंश सेल्सिअसने वाढ झाली आहे. या जिल्ह्यांमध्ये कमाल तापमान ३२ ते ३३ अंशांदरम्यान नोंदले जात आहे. बुधवारी दिवसभरात राज्यात सर्वाधिक कमाल तापमान वर्धा येथे ३५.५ अंश सेल्सिअस नोंदले गेले. हे तापमान सरासरी तापमानापेक्षा ५.१ अंशांनी अधिक होते.
मुंबईकरांसाठी मोठी बातमी! आजपासून हार्बरवर 3 दिवस रात्रकालीन ब्लॉक, कसं असेल नियोजन? पाहा Timetable
विदर्भात उकाडा वाढला
विदर्भातील अनेक ठिकाणी गेले आठवडाभर पावसाने दडी मारली आहे. त्यामुळे विदर्भात उकाडा वाढला आहे. चंद्रपुरात मंगळवारी तापमान ३६ अंश सेल्सिअसपर्यंत पोहोचले होते. शहरासह ग्रामीण भागात काही ठिकाणी २० मिनिटांचा पाऊस झाला. त्यामुळे काही काळ दिलासा मिळाला. दरम्यान चंद्रपुरात बुधवारी ३४.६ अंश सेल्सिअस तापमानाची नोंद झाली. वर्धा येथे ३५.५ अंश सर्वाधिक कमाल तापमानाची नोंद झाली. राज्यातील काही भागात पुढील ५ दिवस येलो अलर्ट देण्यात आला.