उपमुख्यमंत्री अजित पवार आज नांदेड जिल्हा दौऱ्यावर होते. यावेळी माध्यमांसोबत संवाद साधताना त्यांनी विविध विषयांवर भाष्य केलं आहे. यावेळी त्यांनी शिंदे-अमित शाहांच्या भेटीवर भाष्य केलं आहे. ते म्हणाले, शिंदेची कामे जास्त असतील त्यासाठी ते जात असतील.माझं काम निघालं तर मी जातो, काही कामं फोनवर होत नाहीत.त्यांच्या पक्षाचे खासदार आहेत, त्यांच्या बैठक असतात किंवा इतरही काम असतात. दरम्यान यावेळी त्यांनी दादर कबूतरखान्यावरील बंदीवर देखील भाष्य केलं आहे. ते म्हणाले, कबुतर खाना आणि माधुरी हत्तीणीबाबत मुख्यमंत्र्यांनी कालच बैठक घेतली. राज्य सरकार दोन्हीबाबत सकारात्मक आहे. हत्तीच्या बाबतीत आश्रम मधले प्रमुख…सर्वोच्च न्यायालयात जाणार आहेत, इतरांना भूमिका मांडायची असेल तेही मांडू शकतात.