ट्रॅक्टरचे चाक डोक्यावरुन गेल्याने मृत्यू

हा मुलगा मजुरी करायचा आणि आपलं शिक्षणही पूर्ण करत होता. या विद्यार्थ्याच्या डोक्यावरून ट्रॅक्टरचे चाक गेल्याने त्याचा जागीच मृत्यू झाला. ही हृदयद्रावक घटना वाशिम जिल्ह्यातील पेडगाव येथे आज दुपारी 3 वाजताच्या सुमारास घडल्याची माहिती आहे. करण गजानन गोडघासे असं मृत्यू झालेल्या 17 वर्षीय युवकाचे नाव असल्याची आहे.
Bhiwandi News: भयंकर! सततचा त्रास असह्य, तृतीय पंथीयाने आयुष्य संपवलं, भिवंडीत बॉयफ्रेंड रिक्षा चालकाला अटक
याप्रकरणी मिळालेल्या अधिक माहितीनुसार, वाशिमच्या रिसोड तालुक्यातील पेडगाव येथे राहणाऱ्या आणि अकरावीत शिक्षण घेणाऱ्या करण नामक विद्यार्थ्याचे वडील गजानन गोडघासे मालवाहू वाहन चालवून कुटुंबाचा उदरनिर्वाह करतात. दिवसभर राब राब राबून वडील कुटुंबाचा गाडा हाकतात. कुटुंबाची हलाखीची परिस्थिती पाहता करणने ठरवलं होतं की तो आपल्या कुटुंबाचा आधार बनेल. आई- वडिलांना आरामाचे आयुष्य देण्यासाठी प्रचंड मेहनत आणि अभ्यास करून मोठा अधिकारी होण्याचं स्वप्न त्याने बाळगलं होतं.पण, शिक्षणासाठी जास्त पैसे लागतात. मात्र, कुटुंबाची मध्यमस्वरूपाची परिस्थिती असल्याने वडिलांच्या हाताला हातभार लावण्यासाठी तो कॉलेज करून शेतात कीटकनाशक फवारणीसाठी जायचा.

नेहमीप्रमाणे आजही तो कॉलेज करून शेतात फवारणी करण्यासाठी जात होता. फवारणी करण्यासाठी जात असताना तो ट्रॅक्टरवरील बाजूच्या जागेवर बसला होता. मात्र, जाता – जाता ट्रॅक्टरचे चाक एका दगडावरून गेल्याने त्याचा तोल जाऊन तो खाली पडला आणि चाकाखाली दबल्यानं त्याचा जागीच दुर्देवी मृत्यू झाला.

घरच्या परिस्थितीचा विचार करून आई, बाबा आणि भावाची असलेल्या जबाबदारीची जाणीव त्याला होती. करण हा घरात लहान होता, तो स्वभावाने अत्यंत नम्र होता. करणच्या मृत्यूमुळे गावात एकच हळहळ व्यक्त केली जाते आहे.