पुण्यातील प्रख्यात बी जे मेडिकल महाविद्यालयात वैद्यकीय प्रशिक्षण घेणाऱ्या विद्यार्थिनीने आत्महत्या केल्याचा प्रकार समोर आला आहे. संबंधित विद्यार्थिनी दुसऱ्या वर्षाला शिकत होती. तिच्या रुमच्या समोर असलेल्या अन्य एक खोलीत तिने गळफास घेऊन आत्महत्या केली. यावेळी तिची सुसाईड नोट देखील पोलिसांना सापडली आहे.

विद्यार्थिनीच्या सुसाईड नोटमध्ये काय?

मला शिकायचे आहे, पण माझ्याकडून होत नाही, मला माफ करा, असा आई-वडिलांना उद्देशून माफी मागणारा मजकूर या चिठ्ठीमध्ये लिहिलेला आहे. विद्यार्थिनीच्या मृत्यूची बातमी मिळाल्यानंतर तिचा भाऊ राजस्थान येथून थोड्या वेळापूर्वीच पुणे शहरात दाखल झाला आहे.
Crime News : पतीपासून विभक्त, 27 वर्षीय तरुणीला वकिलाने जाळ्यात ओढलं; आजारपणातही शरीरसंबंधांचा दबाव, दोनदा गर्भपात
दरम्यान, तिच्यावर मानसोपचार तज्ञांची ट्रीटमेंट सुरु होती, अशी माहिती मिळत आहे. तिच्या काही औषध-गोळ्या देखील सुरु होत्या. विद्यार्थिनी आठवीत असल्यापासूनच मानसिक रुग्ण होती. काही दिवसांपूर्वी तिने टक्कलही केल्याची माहिती समोर आली आहे.

यवतमाळ जिल्ह्यात शेतकरी आत्महत्या

दुसरीकडे, सततची नापिकी आणि वन्य प्राण्यांच्या नुकसानीमुळे घाटंजी तालुक्यातील भांबोरा येथील शेतकऱ्याने मंगळवारी आत्महत्या केली. सागर लक्ष्मण पुसनाके असे 30 वर्षीय आत्महत्याग्रस्त शेतकऱ्याचे नाव आहे. त्यांच्याकडे वडिलोपार्जित 1.62 हेक्टर शेती होती. नापिकीमुळे त्यांची आर्थिक अडचण वाढली होती. ही समस्या असतानाच वन्य प्राण्यांकडून नुकसान वाढल्याने ते त्रस्त होते.
Solapur Crime : दोन महिन्यापूर्वी विवाह, तरुणाने आयुष्य संपवलं, आत्तेभावाला लास्ट लोकेशन पाठवत म्हणाला, माझ्या मृत्यूला…
सोमवारी रात्री शेतावर गेले असताना त्यांनी किटकनाशक प्राशन करून आत्महत्या केल्याचे समोर आले. शेतात सकाळी त्यांना मृतदेह आढळला. घाटंजी पोलिसांनी पंचनामा करून मृतदेह शवविच्छेदनासाठी शासकीय रुग्णालयात पाठवला आहे.