संकेत दाभाडे असं या विद्यार्थ्याचं नाव आहे. तो एम्स हॉस्पिटलमध्ये शेवटच्या वर्गात शिकत होता. घटनेच्या दिवशी तो आपल्या खोलीत गेला. त्यानंतर खोलीतील शाल घेऊन बाथरूममध्ये गेला. बाथरूमच्या दरवाजाला शाल बांधून त्याने गळफास घेत आत्महत्या केली. धक्कादायक बाब म्हणजे मागील २ दिवसांपासून त्याच्या खोलीचा दरवाजा बंदच होता. संकेत काही घराबाहेर आलाच नाही, असं शेजाऱ्यांनी सांगितलं. खोलीमध्ये कोणतीही हालचाल नव्हती. कोणताही आवाज येत नव्हता. संकेत दिसला नाही म्हणून इतर विद्यार्थ्यांना संशय आला. त्यांनी या संदर्भातील माहिती वसतिगृहाच्या वार्डनला दिली. वार्डनने संकेतच्या खोलीचा दरवाजा तोडला. तसेच बाथरूमचाही दरवाजा तोडला.

रशिया, अमेरिकेच्या संघर्षाचा भारताला फटका; ‘ते’ बिल तब्बल 96 हजार कोटींनी वाढणार

दरम्यान, दरवाजा तोडल्यानंतर हा धक्कादायक प्रकार समोर आला. यानंतर वार्डनने सोनेगाव पोलिसांना या घटनेसंदर्भात माहिती दिली. पोलिसांना माहिती मिळताच त्यांनी तातडीने घटनास्थळी धाव घेतली. तसेच घटनेचा तपास करत मृतदेह ताब्यात घेत शवविच्छेदनासाठी रूग्णालयात पाठवला. संकेतने आत्महत्या का केली? याचा तपास पोलिसांकडून सुरू आहे.

अशीच काहीशी घटना छत्रपती संभाजीनगरमध्ये घडली आहे. आईने नवीन मोबाईल घेऊन देण्यास नकार दिल्याने अकरावीत शिक्षण घेणाऱ्या एका १६ वर्षीय विद्यार्थ्याने आईसमोर खवड्या डोंगरावरून उडी घेऊन आत्महत्या केली. ही घटना तिसगाव येथील खवड्या डोंगर येथे घडली. आई समोर मुलाने टोकाचे पाऊल उचलल्यामुळे नागरिकांनी हळहळ व्यक्त केली.