मोबाईलवर बोलली अन् नदीत उडी मारली

कल्पना वाघमारे 28 जुलै रोजी रात्री साडेनऊ वाजण्याच्या सुमारास दुचाकीने पुलावर आली होती. कोणाशी तरी मोबाईलवर बोलल्यानंतर तिने थेट पुलावरुन कृष्णा नदीत उडी मारली होती. घटनास्थळी सापडलेल्या तिच्या सॅकमधील साहित्यावरुन नदीत उडी मारणारी कल्पनाच असल्याचं स्पष्ट झालं होतं. त्यानंतर एनडीआरएफ जवान आणि मच्छिमारांकडून गेले सहा दिवस नदीपात्रात तिचा शोध सुरु होता.

सात दिवसांनी सापडला मृतदेह

कराड तालुक्यातील गोंदी गावच्या हद्दीतील एक मृतदेह आढळल्याची माहिती ग्रामस्थांनी दिल्यानंतर कराड ग्रामीण पोलीस घटनास्थळी पोहोचले. यावेळी मृतदेह सडलेल्या अवस्थेत होता. त्यामुळे कुटुंबीयांनी घटनास्थळी येऊन दोन्ही हातावरील टॅटूवरुन तो मृतदेह कल्पनाचाच असल्याचं ओळखलं. मृतदेह शवविच्छेदनासाठी पाठवल्यानंतर डीवायएसपी राजश्री पाटील यांनी भेट देऊन माहिती घेतली.

Pune News : पती शरीरसंबंध ठेवण्यास सक्षम नाही, पुण्यात विवाहितेचा आरोप, कोर्ट म्हणालं दोन महिन्यात सासरी जाऊन…

घटनेच्या दोन दिवस आधी झाला होता साखरपुडा

कल्पना वाघमारे हिचं लग्न ठरलं होतं. नदीत उडी घेण्याच्या दोन दिवस आधीच तिचा साखरपुडा झाला होता. घरात आनंदाचं वातावरण असताना तिने अचानक नदीत उडी मारुन जीवन का संपवलं, हे अद्याप स्पष्ट झालेलं नाही.
Solapur Crime : दोन महिन्यापूर्वी विवाह, तरुणाने आयुष्य संपवलं, आत्तेभावाला लास्ट लोकेशन पाठवत म्हणाला, माझ्या मृत्यूला…
या प्रकरणी कराड ग्रामीण पोलीस ठाण्यात अकस्मात मृत्यूची नोंद झाली आहे. ही घटना कराड शहर पोलीस ठाण्याच्या हद्दीत घडली असल्याने पुढील तपास तेच करतील, असं उपनिरीक्षक साक्षात्कार पाटील यांनी सांगितलं.