याबाबत मिळालेली माहिती अशी की, मंगळवेढा तालुक्यात टोलनाक्याच्या पलीकडे सद्गुरूंच्या बैठकीसाठी रविवारी सकाळी धर्मगाव रोडवरुन सासू-सून घरापातून दुचाकीवर निघाल्या होत्या. त्या धर्मगाव बायपास रोडवर दामाजी कारखाना चौकातून जात होत्या. तेवढ्यात त्यांच्या पाठीमागून कांद्याची पोती भरलेल्या ट्रकने, त्याठिकाणी थांबलेल्या ट्रकला जोरदार धडक दिली. या धडकेमुळे ट्रकच्या डाव्या बाजूने चाललेल्या दुचाकीला, थांबलेल्या ट्रकची धडक बसली. या अपघातात दुचाकीवरील रेणुका तासगावकर व सासू शालिनी तासगावकर या दोघी ट्रकच्या चाकाखाली सापडल्या. या अपघातात त्यांचा जागीच मृत्यू झाला.
असा राग काय कामाचा? क्लासमध्ये किरकोळ वाद अन् दहावीतील विद्यार्थ्याचा गेला जीव, दोन मित्र ताब्यात
कांद्याने भरलेल्या ट्रकने एवढी जोरात धडक दिल्याने मोठा आवाज झाला. हा आवाज ऐकून आजूबाजूचे लोक धावत त्याठिकाणी आले. त्यांनी ट्रक ड्रायव्हरला पकडून ठेवले. दरम्यान या घटनेची माहिती लोकांनी पोलिसांना दिली. अपघाताची माहिती मिळताच पोलीस घटनास्थळी दाखल झाले आणि जखमी ट्रक चालकाला ताब्यात घेतलं. पोलिसांनी ओळखपत्राद्वारे मृतांच्या कुटुंबीयांशी संपर्क साधला. ही माहिती मिळताच मृतांचे कुटुंबीय घटनास्थळी आले. आपल्या नातेवाईकांना पाहून कुटुंबीयांनी टाहो फोडला. या घटनेमुळे परिसरात काही काळ तणावाचे वातावरण होते.
ऑर्केस्ट्राच्या नावाखाली डान्सबार! ताडदेव, अंधेरी, घाटकोपरमध्ये छापा; मुंबई गुन्हे शाखेची धडक कारवाई
दुसरीकडे, सोलापुरात विजेच्या धक्क्याने दोन तरुणांचा मृत्यू झाला. याप्रकरणी मृतांच्या कुटुंबीयांना नुकसान भरपाई मिळावी आणि संबंधितांवर कारवाई व्हावी म्हणून तृतीयपंथीयांनी पोलिस ठाण्यात मृतांची अंत्ययात्रा नेली. त्यांनी पुढाकार घेत मृतांना लहान लहान मुले आहेत. ते घरातील प्रमुख होते. यामुळे त्यांना मदत मिळणे गरजेचे आहे, अशी मागणी केली होती. एमआयडीसी पोलिसांनी रात्री उशिरापर्यंत मृतांच्या नातेवाईकांची समजूत घातली आणि कारवाईचे आश्वासन दिले.