एका वृद्ध व्यक्तीचा मृतदेह आढळून आल्याने खळबळ

पोलिसांनी दिलेल्या माहितीनुसार, 1 ऑगस्ट रोजी सकाळच्या सुमारास ज्ञानदेव लक्ष्मण भामे (वय 82) यांचा मृतदेह बाजरीच्या शेतामध्ये आढळून आला होता. प्रथमदर्शनी हा मृत्यू नैसर्गिक असावा असे वाटत होते. मात्र, पोलिसांना काही गोष्टी संशयास्पद वाटल्या आणि चौकशीतून खळबळ जनक माहिती पुढे आली. ज्ञानदेव भामे (वय 82) आणि त्यांचे सख्खे भाऊ चांगदेव भामे (वय 68) यांच्यात शेताच्या वाटपावरून वाद सुरू होता. याबाबतची माहिती जेजुरी पोलिसांना मिळाली होती.
Crime Diary: बॉडी पडली आहे, या आणि घेऊन जा; गर्भवती पत्नीला निर्दयीपणे संपवलं, मग स्वत: पोलिसांना फोन केला

शेतात जायला रस्ता देत नसल्याने भावाला संपवलं

यानंतर पोलिसांनी आरोपी चांगदेव भामे याला ताब्यात घेतलं आणि त्याच्याकडे चौकशी केली असता. मयत ज्ञानदेव लक्ष्मण भामे हा शेतात जाण्यासाठी रस्ता देत नव्हता. वहिवाटीचा रस्ता अडवून तो त्रास देत होता. त्यामुळे त्याला लाथा बुक्क्या आणि दांडक्याने मारहाण केल्याचे चांगदेव भामे यांनी पोलिसांना सांगितले.

मारेकरी भावाला पोलिस कोठडी

अहवालात देखील मयत भामे यांच्या डोक्याला मारहाण झाल्याचे वैद्यकीय अधिकाऱ्यांनी सांगितले. यानंतर पोलिसांनी आरोपी चांगदेव भामे याला ताब्यात घेतले आहे. त्याला न्यायालयासमोर हजर केले असता न्यायालयाने त्याची रवानगी पोलिस कोठडीत केली.

आयुष्याच्या उत्तरार्धाला लागलेल्या या भावाने आपल्या मोठ्या भावाचा खून करून काय मिळवले? असा प्रश्न या निमित्ताने उपस्थित केला जात आहे. या घटनेने परिसरात एकच खळबळ उडाली असून पोलिसांचा तपास सुरु आहे.