Pune Devendra Fadnavis News : पुण्यात शुक्रवारी मुख्यमंत्री देवेंद्र फडणवीसांचा ताफा अचानक आयुक्तांच्या घराच्या मार्गाकडे वळला. त्यावेळी एकच अफवा उडाली सर्वांचाच गोंधळ उडाला, कार्यकर्ते तर थेट आयुक्तांच्या दारावर पोहोचले. त्यावेळी काय घडलं जाणून घ्या.
मुख्यमंत्री देवेंद्र फडणवीस हे काल आपली यशदा येथील पुणे महानगर ग्रोथ हबची बैठक संपवून निघणार होते. ही बैठक संपल्यानंतर देवेंद्र फडणवीस हे कोथरूडला जाणार होते. तसं त्यांच्या नियोजित दौऱ्यात देखील होतं. त्यानुसार बैठक संपवून फडणवीस यांचा ताफा गणेशखिंड रोडने पुढे निघाला. मात्र फडणवीसांच्या ताफ्याने अचानक आपला मार्ग बदलला. इस्काॅन मंदिरापासून या गाड्या माॅडेल काॅलनीकडे वळाल्या. फडणवीसांच्या गाड्या ज्या मार्गाने वळाल्या त्याच मार्गावर पुणे महापालिकेच्या आयुक्त नवल किशोर राम यांचे निवासस्थान आहे. या गाड्या त्याच मार्गाने जात असल्याची बातमी राजकीय वर्तुळात वाऱ्याच्या वेगाने पसरली आणि सत्ताधाऱ्यांसह विरोधी पक्षातील कार्यकर्त्यांच्या काळजात सुद्धा धस्स झालं.
Pune Rave Party Case : पतीच्या अटकेनंतर पहिल्यांदाच शरद पवारांची भेट, रोहिणी खडसेंच्या चेहऱ्यावर आत्मविश्वास, म्हणतात, प्रांजलना…याचं कारण म्हणजे दोन दिवसापासून पुणे शहरात सुरु असलेली प्रभाग रचना फुटल्याची चर्चा. त्यामुळे फडणवीसांचा ताफा थेट आयुक्तांच्या बंगल्यावर निघाला असल्याची अफवा पसरली आणि महापालिका निवडणुकीसाठी गुडघ्याला बाशिंग बांधून तयार असणारे कार्यकर्त्यांमध्ये एकच गोंधळ उडाला. आता मुख्यमंत्री देवेंद्र फडणवीस हे महापालिका निवडणुकीसाठी होणाऱ्या प्रभाग रचनेत हस्तक्षेप करणार असा धसका संभाव्य इच्छुकांनी घेतला होता. विरोधकांच्या काळजात तर इतकं धस झालं होतं की काहींनी आपले कार्यकर्ते थेट महापालिका आयुक्त यांचा निवासस्थान असणाऱ्या भागात पाठवले.
Ajit Pawar : निवेदिका पुण्याच्याच आहेत का हो? चंद्रकांत पाटलांना ‘वगळताच’ अजितदादांचा टोला, फडणवीस म्हणाले तुम्हीच त्यांना…काहीच वेळात फडणवीसांच्या दौऱ्याची सत्यता समोर आली. प्रत्यक्षात मुख्यमंत्री देवेंद्र फडणवीस हे माॅडेल काॅलनीमधील लकाकी तलावासमोर असलेल्या एका बड्या उद्योगपतीच्या घरी भेटीसाठी गेले होते. तेथे काही वेळ थांबून ते कोथरूडकडे निघून गेले. त्यामुळे फडणवीस हे आयुक्तांच्या भेटीला गेले असते तर विरोधकांना आयते कोलीत मिळणार होतं पण जेव्हा या दौऱ्याची सत्यता समोर आली तेव्हा त्या भागात पोहोचलेल्या राजकीय कार्यकर्त्यांचा मात्र हिरमोड झाला.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा