सार्वजनिक मंडळांच्या सहा फुटांपेक्षा जास्त उंचीच्या मूर्तींना विसर्जनासाठी अन्य कोणताही पर्याय उपलब्ध नसेल तर नैसर्गिक जलस्त्रोतात विसर्जित करण्याची परवानगी असणार आहे. पण संबंधित स्थानिक स्वराज्य संस्थेला विसर्जनानंतर समुद्रतळ किंवा त्या नैसर्गिक जलस्त्रोताची सफाई करावी लागणार आहे. राज्य सरकारने याबाबतचा शासन निर्णय शुक्रवारी जारी केला.
वसई-विरार महापालिकेत मोठा बांधकाम घोटाळा; प्रतिचौरस फूट १० ते २५ रुपये कमिशन, ईडीचा धक्कादायक खुलासा
पीओपी मूर्ती साकारणारे व विक्रेत्यांना मूर्ती विक्री करताना मागच्या बाजूस स्पष्ट दिसेल अशा स्वरूपात ऑइल पेंटने लाल रंगाचे गोलाकार चिन्ह करावे लागणार आहे. तसेच त्यांना नोंदवही ठेवणेही बंधनकारक आहे. संबंधित स्थानिक स्वराज्य संस्थांनी सार्वजनिक मंडळांच्या नोंदणीसाठी स्वतंत्र कक्ष स्थापन करावा, विसर्जनाचे योग्य नियोजन व्हावे, यासाठी मंडळाची नोंदणी करताना, मूर्ती पीओपीची आहे की नाही, यासह सर्व आवश्यक माहिती गोळा करावी, सार्वजनिक मंडळांना लहान आकाराच्या मूर्ती बसवण्यासाठी प्रोत्साहित करावे, मंडळांना विसर्जनासाठी लहान, प्रतिकात्मक मूर्ती वापरण्यास आणि मोठी मूर्ती पुढील वर्षी पुन्हा वापरण्यास प्रोत्साहित करावे, मूर्ती विसर्जनासाठी योग्य आकाराचे आणि पुरेशा संख्येने कृत्रिम तलाव तयार करावेत, तलावातील पाणी मूर्तींच्या अपेक्षित क्षमतेच्या आठ ते १० पट असावे, तसेच, कृत्रिम तलावांजवळ इतर निर्माल्य गोळा करण्यासाठी स्वतंत्र व्यवस्था करावी,’ असे या सूचनांमध्ये स्पष्ट करण्यात आले आहे.
Mumbai Crime: तीन लग्नं मोडली, प्रेग्नंट होताच चौथा तरुणही पळाला, दुर्धर आजारी महिलेचं भयंकर कृत्य, 6 महिन्याच्या लेकराला…
मूर्तिकारांना मोफत पर्यावरणपूरक रंग
पर्यावरणपूरक गणेशोत्सवाला अधिकाधिक प्रोत्साहन देण्यासाठी मुंबई महापालिकेकडून मूर्तिकारांना मोफत शाडूमाती व शाडूच्या मूर्ती घडवणाऱ्यांना मंडपाकरिता मोफत जागा, अशा सुविधा दिल्या जातात. यामध्ये आणखी भर घालत यंदाच्या गणेशोत्सवासाठी मूर्तिकारांना प्रायोगिक तत्त्वावर पर्यावरणपूरक रंग पुरण्यात येणार आहेत. एकूण सहा रंगाचा यात समावेश असून, सात हजार ८०० लिटर रंग आणि तीन हजार लिटर इको प्रायमर पुरवला जाणार आहे.