आशा यांचे पती राहुल धुळे हे राज्य राखीव पोलिस दल क्र. 9 मध्ये शिपाई या पदावर कार्यरत आहेत. गेल्या 13 तारखेपासून आशा या रजेवर होत्या. त्यांना चौदा वर्षांचा एक मुलगा आणि सात वर्षांची एक मुलगी आहे.

नेमकं काय घडलं?

शुक्रवारी सायंकाळी सहा वाजताचे सुमारास त्या घरात एकट्या होत्या. पती, मुलगी व मुलगा बाहेर होते. मुलगा सायंकाळी सहा वाजता घरात जात असताना त्यांच्या घरातून दोन व्यक्ती बाहेर येत असल्याचे त्याला दिसून आले. यानंतर त्याने घरात प्रवेश केला असता त्याची आई बिछान्यावर बेशुद्ध अवस्थेत पडली होती. त्याने आईला उठविण्याचा प्रयत्न केला. परंतु आईने प्रतिसाद दिला नाही.
Vasai Crime : वसईत 15 दिवसात तीन उच्चशिक्षित तरुणांनी आयुष्य संपवलं, तिघांमध्ये समान धागा, 21 वर्षीय युवकाने तर मोबाईल…
घाबरलेल्या मुलाने तत्काळ वडिलांना माहिती दिली. घटनेची माहिती मिळताच फ्रेजरपुरा पोलिस ठाण्याचे ठाणेदार रोशन शिरसाट व पोलिस कर्मचारी घटनास्थळी दाखल झाले. पोलिस आयुक्त अरविंद चावरिया, उपायुक्त गणेश शिंदे व वरिष्ठ अधिकाऱ्यांनी घटनास्थळी भेट दिली.

मृतदेह शवविच्छेदनासाठी जिल्हा सामान्य रुग्णालयात पाठविण्यात आला. महिलेच्या गळ्यावर व्रण असल्याचे पोलिस सूत्रांनी सांगितले आहे. या घटनेमुळे गुरुकृपा कॉलनीसह शहरात मोठी खळबळ उडाली आहे.
Thrissur Honeytrap : श्वेताशी तुझे अनैतिक संबंध; प्रायव्हेट चॅट जगजाहीर करु; नवरा-बायकोने बॉसला हनीट्रॅपमध्ये अडकवलं, 30 कोटी उकळले

नातवाकडून आजोबांची हत्या

दुसरीकडे, रायगड जिल्ह्यातील म्हसळा तालुक्यातील कणघर येथे दोन अल्पवयीन मुलांनी वृद्ध महिलेची गळा आवळून हत्या केली असल्याची घटना ताजी असतानाच म्हसळा येथील मोहमद असगर अली परदेशी (18) याने त्याचे आजोबा शौकत अली हुसेनमीयाँ परदेशी (72) यांची निर्घृण हत्या केल्याची घटना समोर आली आहे. बाहेरील अज्ञात व्यक्तीने आजोबांची हत्या केल्याचा बनाव नातवाने केला होता.

मोहम्मद परदेशी आणि आजोबा शौकत अली यांच्यामध्ये नेहमी वाद होत व्हायचा. 31 जुलै रोजी सायंकाळी साडेपाचच्या सुमारास आजोबा शौकत अली परदेशी हे त्यांच्या घरातील खालच्या खोलीत एकटेच झोपले होते, तर इतर सदस्य घरातील माळ्यावर झोपले होते. हीच संधी साधून नातवाने लोखंडी रॉडने आजोबा शौकत अली परदेशी यांच्या डोक्यात जोरदार प्रहार केला व सुरीने गळयावर वार करून दोन्ही मनगटाच्या नसा कापून त्यांची हत्या केली. त्याने आजोबांची हत्या केल्याचे कबूल केले.