काय आहे प्रकरण?

दोन्ही पती-पत्नी आरोपींनी मिळून 18 जुलै रोजी या नवजात बालकास कासारवाडी येथील उड्डाणपुलाखाली सोडून पळ काढला होता. आरोपी माता समीधा हिला पहिल्या पतीपासूनही एक अपत्य असून, पहिल्या पतीला सोडल्यानंतर आरोपी प्रतीकपासूनही दुसरे अपत्य आहे. त्यानंतर पुन्हा झालेले अपत्य स्वतःचे नसल्याच्या संशयावरुन आरोपी प्रतीकच्या दबावातून या नवजात बालकास उघड्यावर बेवारस सोडून देण्याचा अपराध दोन्ही आरोपींनी केला आहे.पिंपळे गुरव येथील कल्पतरु सोसायटीशेजारी नाशिक फाटा-कासारवाडी उड्डाणपुलाखाली पाच दिवसांचे नवजात अर्भक सापडले आणि सांगवी पोलिसांची आई-वडील शोधण्याची मोहीम सुरू झाली.

पोलिसांनी सीसीटीव्हीच्या आधारे तपास सुरू केला. प्राथमिक तपासात एक पुरुष व महिला लहान बाळाला दुचाकीवर येऊन येथे सोडून गेल्याचे दिसले. मात्र, सीसीटीव्हीत गाडीचा क्रमांक स्पष्ट दिसत नव्हता.
Pune Crime : पुण्यात बिझनेसमनच्या घरी दरोडा; चकवण्यासाठी वॉकी-टॉकी वापरले, पोलिसांकडून 1200 किमी पाठलाग, टोळीच्या मुसक्या आवळल्या
परिसरातील अनेक सीसीटीव्ही सुरू नसल्यानेही अडचण वाढली. सांगवीच्या वरिष्ठ पोलिस निरीक्षक जितेंद्र कोळी यांच्या मार्गदर्शनाखाली उपनिरीक्षक चक्रधर ताकभाते, महादेव भालेराव, यांच्यासह पोलिस शिपाई विजय पाटील, राहुल मोघे, सचिन तुपे, सुनीता रावत यांच्या पथकाने धागेदोरे पकडून अखेर दोन्ही आरोपींना कामशेत येथील राहत्या घरातून शिताफीने पकडले.

चार पोलिस कर्मचारी बडतर्फ, एक निलंबित

दुसरीकडे, नागपूर पोलिस आयुक्त डॉ. रवींद्रकुमार सिंगल यांनी शहर पोलिस दलातील चार पोलिस कर्मचाऱ्यांना बडतर्फ तर एकाला निलंबित केले. या कारवाईमुळे पोलिस दलात खळबळ उडाली आहे. बडतर्फ कर्मचारी कळमना पोलिस ठाण्यात कार्यरत होते. संदीप यादव व पंकज यादव या दोघांना अभियांत्रिकीच्या विद्यार्थ्यांकडून खंडणी वसूल केल्याप्रकरणात मनोज घाडगे व भूषण साकडे हे दोघे पोलिस चौकीतच जुगार खेळताना आढळल्याने चौघांविरुद्ध बडतर्फीची कारवाई करण्यात आली. लकडगंजमध्ये प्रेम प्रकरणातून तरुणीचे अपहरण केल्याप्रकरणात आरोपी असल्याने मुख्यालयातील पोलिस कर्मचारी मोहसीन खानला निलंबित करण्यात आले.