टिळक रस्ता विसर्जन मिरवणूक नियोजन समितीच्या वतीने यंदाच्या विसर्जन मिरवणुकीच्या नियोजनासाठी बैठक आयोजित केली होती. पोलिस आयुक्त अमितेशकुमार, सहआयुक्त रंजनकुमार शर्मा, अतिरिक्त आयुक्त मनोज पाटील, राजेश बनसोडे, पोलिस उपायुक्त हृषीकेश रावले, मिलिंद मोहिते, संभाजी कदम, वाहतूक शाखेचे उपायुक्त हिमंत जाधव, हत्ती गणपती मंडळाचे अध्यक्ष श्याम मानकर, ग्राहक पेठेचे सूर्यकांत पाठक, सेवा मित्र मंडळाचे शिरीष मोहिते आणि साने गुरुजी तरुण मंडळाचे अध्यक्ष धीरज घाटे यांच्यासह विविध मंडळांचे पदाधिकारी उपस्थित होते. विसर्जन मिरवणुकीत येणाऱ्या विविध अडचणी गणेश मंडळांच्या पदाधिकाऱ्यांनी या बैठकीत मांडल्या. त्यावर पोलिस अधिकाऱ्यांनी उपाययोजना सुचविल्या.
Ganeshotsav 2025: एका खड्ड्यामागे 15 हजार दंडाचा निर्णय जाचक, गणेशोत्सव मंडळांची सरकार दरबारी धाव
गेली काही वर्षे टिळक रस्त्यावर काही ठरावीक मंडळांकडून ‘विसर्जनासाठी आमचा मान आहे,’ असे म्हणून मिरवणूक मार्ग अडवला जात असल्याच्या तक्रारी गणेश मंडळांच्या पदाधिकाऱ्यांनी केल्या. त्यावर, पोलिस आयुक्तांनी ‘कोणत्याही मंडळासाठी टिळक रस्त्यावरील मिरवणूक थांबवली जाणार नाही. प्रथम येणाऱ्याला प्रथम मिरवणुकीत मार्गस्थ होता येईल,’ असे स्पष्ट केले. बैठकीचे आयोजन अमित बागुल, पुष्कर तुळजापूरकर, गणेश घोष, उमेश वैद्य, सुधीर ढमाले, हृषीकेश भुजबळ, विनायक धारणे, मनीषा धारणे यांनी केले होते.

‘खांब, दुभाजक काढा’

पूरम चौकात सीसीटीव्ही कॅमेऱ्यासाठी एक कमी उंचीचा खांब आहे; तसेच रस्त्यावरील दुभाजकामुळे विसर्जन मिरवणुकीतील रथांना अडथळा येतो, त्यावर त्वरित उपाय करावा, अशी मागणी टिळक रस्त्यावरील गणपती मंडळाच्या पदाधिकाऱ्यांनी केली. त्यावर ‘हा विषय महापालिकेशी संबंधित असून, त्यावर कार्यवाहीबाबत महापालिकेला कळविण्यात येईल,’ असे उपायुक्त मिलिंद मोहिते यांनी सांगितले.

‘गणेश मंडळांनी आत्मचिंतन करावे’

स्थानिक पोलिसांनी प्रत्येक गणेश मंडळासोबत बैठक घ्यावी आणि गेल्या वर्षीच्या विसर्जन मिरवणुकीचे व्हिडिओ एकदा सर्वांना दाखवा. गणपतीबाप्पाच्या मिरवणुकीत कपडे काढून, अश्लील हावभाव करून आणि मद्यपान करून नाचणाऱ्या प्रवृत्ती आपणाला मान्य आहेत का, याचे आत्मचिंतन गणेश मंडळांनी करावे, असे आवाहन पोलिस आयुक्त अमितेशकुमार यांनी केले.