सन 1918 मध्ये विजयादशमीच्या दिवशी साईबाबांनी समाधी घेतली. त्यांच्या अखेरच्या काळात लक्ष्मीबाई शिंदे या नित्यनेमाने त्यांची सेवा करत होत्या. त्यांच्या समर्पित भक्तीपुढे भारावून गेलेल्या साईबाबांनी समाधीपूर्वी त्यांना चांदीची नऊ नाणी भेट दिली होती. ही नाणीच आता अनेक वर्षांनंतर वादग्रस्त बनली आहेत.

“नाणी आमच्याकडेच आहेत”

लक्ष्मीबाई शिंदे यांचे वंशज संजय शिंदे आणि चंद्रकांत शिंदे यांनी, साईबाबांनी दिलेली मूळ नाणी त्यांच्याकडेच असल्याचा ठाम दावा केला आहे. त्यांचं म्हणणं आहे की, ही नाणी त्यांच्या पूर्वजांच्या जुन्या घरी असलेल्या मंदिरात आजही सुरक्षित आहेत. त्यांनी अरुण गायकवाड यांचा दावा फेटाळत “आम्हीच खरे वारसदार आहोत” असं ठामपणे सांगितलं आहे.

संजय आणि चंद्रकांत शिंदे यांचा आरोप आहे की, धर्मादाय आयुक्तांनी झालेल्या सुनावणीबाबत त्यांना कुठलीही अधिकृत नोटीस किंवा समन्स पाठवलेले नाही. त्यांच्या मते, ही नाणी “नऊवरून अठरा” कशी झाली याचा तपशील अस्पष्ट असून त्यामुळे त्यांनी 2022 साली शिर्डीतील साईबाबा संस्थान आणि पोलीस प्रशासनाकडे तक्रार दाखल केली होती.

आमच्याकडेच खरी नाणी – गायकवाडांचा प्रतिदावा

दरम्यान, साई भक्त लक्ष्मीबाई शिंदे ट्रस्टचे अध्यक्ष अरुण गायकवाड यांनीही समोर येत दावा केला आहे की, सदर नऊ नाणी त्यांच्या ट्रस्टकडेच असून, धर्मादाय आयुक्तांच्या चौकशी अहवालातही हे स्पष्टपणे नमूद करण्यात आले आहे. त्यांचं म्हणणं आहे की, चौकशीवेळी प्रतिवादी हजर न राहिल्याने आयुक्तांनी ट्रस्टकडे असलेल्या नाण्यांना वैध मान्यता दिली आहे.
Manikrao Kokate : अजितदादांसोबत हायव्होल्टेज बैठक, माणिकरावांची दिलगिरी, मंत्रिपदाबाबत मोठ्या निर्णयाची शक्यता
अरुण गायकवाड हे लक्ष्मीबाई शिंदे यांची नात शैलजा गायकवाड (माहेरचे नाव शिंदे) यांचे पुत्र आहेत. शैलजा गायकवाड या लक्ष्मीबाईंच्या कन्या सोनूबाई यांच्या मुलगी आहेत. त्यांच्या मते, ही नाणी परंपरेने सोनूबाई, नंतर शैलजा आणि आता ट्रस्टमार्फत त्यांच्याकडे आली आहेत.
Amit Solunke : आमदार प्रसाद लाड यांचे बनावट लेटरहेड, 3.60 कोटी लाटण्याचा प्रयत्न, आरोपी भाजयुमोचा राज्य सचिव

पुरातत्त्व विभागाची भूमिका महत्त्वाची ठरणार

या वादावर अंतिम तोडगा लावण्यासाठी आणि साईबाबांनी दिलेल्या नाण्यांची खरी वस्तुस्थिती समोर आणण्यासाठी तक्रारदार संजय आणि चंद्रकांत शिंदे यांनी पुरातत्त्व विभागाकडे चौकशीची मागणी केली आहे. नाण्यांची ऐतिहासिक व वैज्ञानिक तपासणी झाल्यास “दूध का दूध आणि पाणी का पाणी” होईल, अशी अपेक्षा त्यांनी व्यक्त केली आहे.