Pune Spa Centre : पुणे शहरात स्पा सेंटरच्या आडून ‘धनराज, प्रिया आणि अनुज’ हे त्रिकुट वेश्या व्यवसायात मुख्य सूत्रधार बनले आहे
पोलिसांच्या रडारवर असलेले ‘धनराज, प्रिया आणि अनुज’ हे त्रिकुट सध्या शहरातील वेश्या व्यवसायात मुख्य सूत्रधार बनले आहे. शंभरहून अधिक स्पा सेंटर ते चालवत असून, प्रत्यक्षात मात्र त्यामध्ये वेश्याव्यवसाय सुरू असल्याचे उघड झाले आहे. या टोळीपर्यंत पोहोचण्यात पोलिस यंत्रणा अद्याप अपयशी ठरली आहे. केवळ व्यवस्थापकांवर कारवाई करून मुख्य गुन्हेगारांपर्यंत पोहोचण्यात अपयश आले आहे.
पोलिस सूत्रांच्या माहितीनुसार, संबंधित त्रिकुट नावापुरते स्पा चालवत असून, त्यांची सर्व सूत्रे ‘व्यवस्थापका’कडे सोपवली आहेत. हे व्यवस्थापक अनेकदा ‘बाहेरून आणलेले’ असतात, जे कारवाईत अडकतात, तर मुख्य सूत्रधार मोकाट राहतात. सर्वांत धक्कादायक बाब म्हणजे, अलीकडेच विमानतळ पोलिस ठाण्याच्या हद्दीत गुन्हे शाखेच्या कारवाईत एक अवघ्या 15 वर्षांची मुलगी वेश्याव्यवसायात अडकलेली आढळली. याबाबत ‘महाराष्ट्र टाइम्स’ने वृत्तमालिका प्रसिद्ध करून विषयाला वाचा फोडली होती.
फक्त निवडक कारवाया
सध्या केवळ फुटकळ कारवाया होत असून, मुख्य गुन्हेगारांना अटक होणे दूरच; त्यांच्या नावांवर थेट गुन्हेदेखील दाखल झालेले नाहीत. त्यामुळे पोलिसांची कारवाई निवडक आणि प्रभावहीन असल्याचा आरोप सामाजिक कार्यकर्ते व महिला संघटनांकडून केला जात आहे. पोलिस आयुक्तांनी मागील वर्षी सामाजिक सुरक्षा विभाग बरखास्त करून, विशेषतः वेश्याव्यवसायावर कारवाईसाठी ‘मानवी वाहतूक प्रतिबंधक विभाग’ सुरू केला. मात्र, अपेक्षेप्रमाणे ठोस कारवाई न झाल्याने अनेक स्पा पुन्हा जोमाने सुरू झाले आहेत.
Pune Crime : पुण्यात 23 वर्षीय आयटी इंजिनिअरने आयुष्य संपवलं, वेदनादायी अंत; शेवटच्या चिठ्ठीत म्हणाला माझ्या मृत्यूस…
खुलेआम जाहिरात
‘बॉडी स्पा’, ‘रिलॅक्सेशन सेंटर’, ‘थाई मसाज’ अशा नावांखाली सोशल मीडिया, मेसेजिंग अॅप, वेबसाइट्सवरून सर्रास जाहिरात केली जाते. यातून दररोज नवे ग्राहक खेचले जातात. मात्र, पोलिस यंत्रणांनी याकडे हेतुपुरस्सर दुर्लक्ष केले आहे का, असा प्रश्न उपस्थित होत आहे.
ते सहनही करत नाहीत; रेव्ह पार्टीतील अटकेवर मंत्री गिरीश महाजन यांची प्रतिक्रिया, खडसेंना प्रत्युत्तर!
Jalgaon Crime : अल्पवयीन मुलीला पळवलं, पोलीस उपनिरीक्षकाने तिघा आरोपींना एकमेकांशी लैंगिक चाळे करायला लावले
पोलिस आयुक्तांची स्पष्ट भूमिका
पोलिस आयुक्त अमितेशकुमार यांनी झालेल्या वरिष्ठ अधिकाऱ्यांच्या बैठकीत यावर कडक शब्दांत नाराजी व्यक्त केली. त्यांनी स्पष्ट केले, की या त्रिकुटावर ‘मकोका’ अंतर्गत कारवाई केली जाणे अत्यावश्यक आहे. कोणताही पोलिस उपायुक्त किंवा वरिष्ठ निरीक्षक है गुन्हेगारी जाळे उद्ध्वस्त करील, तर त्याला पोलिस दलातर्फे थेट बक्षीस दिले जाईल.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा