खराडी येथील ड्रग पार्टी प्रकरणी पोलिसांनी डॉ. प्रांजल खेवलकर, निखील पोपटाणी, समीर सय्यद, सचिन भोंबे, श्रीपाद यादव, ईशा सिंग आणि प्राची शर्मा या सात जणांना अटक केली आहे. त्याच्यावर एनडीपीएस कायद्यानुसार गुन्हा दाखल करण्यात आला आहे.
Pune Crime: बायको नांदायला येईना, नवऱ्याची सासुरवाडीत विनवणी; वाद विकोपाला गेला अन्…, थरारक घटना
पोलिसांच्या तपासात समोर आले आहे की, शुक्रवारीच्या पार्टीत निखील पोपटाणी, श्रीपाद यादव आणि दोन तरुणी उपस्थित होत्या. त्या पार्टीतही अमली पदार्थांचे सेवन झाले का, याचा तपास सुरू आहे. हॉटेलमधील तीन दिवसांचे सीसीटीव्ही फुटेज पोलिसांनी मिळवले असून, चौकशी सुरू आहे.

मद्यप्राशन झाल्याचे स्पष्ट
ससून रुग्णालयाच्या अहवालानुसार, डॉ. खेवलकर आणि श्रीपाद यादव यांनी पार्टीत मद्यप्राशन केल्याचे स्पष्ट झाले आहे. त्यांच्यासह उर्वरित पाचही जणांचा रक्त व लघवी नमुना ससून रुग्णालयात तपासणीसाठी घेण्यात आला असून, ते पोलिसांनी न्यायवैद्यक विज्ञानप्रयोग शाळेत तपासासाठी पाठवले आहे. त्याचा अहवाल येण्यासाठी काही दिवस लागतील, अशी माहिती पोलिसांनी दिली आहे.
Pune Crime: बुद्धिबळ स्पर्धेसाठी पुण्यात आलेल्या इंजिनिअरची लूट, शिवाजीनगर डेपोसमोर मारहाण करत लुबाडलं
डॉ. खेवलकर तरुणींना ओळखत नसल्याचा दावा
‘डॉ. खेवलकर त्या दोन तरुणींना ओळखत नव्हते, तसेच त्यांनी त्या पार्टीचे आयोजन केले नव्हते,’ असा दावा केला जात आहे. तरीही त्या तरुणी त्या ठिकाणी कशा आल्या, हे स्पष्ट होणे आवश्यक आहे. त्यांची पार्श्वभूमीही पोलिस तपासत आहेत.
आता बस्स झालं, भाजप ‘हाऊसफुल्ल’ ! संजय राऊतांचं नाव न घेता महाजनांचा खोचक टोला
रोहिणी खडसे आयुक्तालयात
सोमवारी रात्री डॉ. खेवलकर यांच्या पत्नी व राष्ट्रवादी काँग्रेस शरदचंद्र पवार पक्षाच्या नेत्या रोहिणी खडसे यांनी पुणे पोलिस आयुक्तालयात गुन्हे शाखेचे उपायुक्त निखिल पिंगळे यांची भेट घेतली. त्यांनी या प्रकरणात पारदर्शक चौकशी व्हावी; तसेच कोणावरही अन्याय होऊ नये, अशी मागणी केल्याचे सूत्रांनी सांगितले.