सोलापूर शहरात आठ दिवसांआड कमी दाबाने पाणी येते. सोलापूर शहरातील नागरिक नळाला विद्युत मोटारीने पाणी उपसा करतात. अतिशय जीवघेणा प्रकार शहराच्या सर्वच परिसरात सुरु असतो. नीलम नगरात आठ दिवसांनंतर रविवारी पहाटे चार वाजता पाणी आले होते. पाणी भरुन झाल्यानंतर सकाळी सात वाजण्याच्या सुमारास ही दुर्घटना घडली.

समृद्धीला शॉक लागल्यानंतर ती खाली पडली. शेजारच्यांनी लगेच तिला उपचारासाठी शासकीय रुग्णालयात दाखल केलं, परंतु तिला मृत घोषित करण्यात आलं. लाडक्या लेकीच्या मृत्यूचं दुःख आई वडिलांना सहन होत नव्हतं. शासकीय रुग्णालयातच समृद्धीच्या आई वडिलांनी हंबरडा फोडला होता.

आईसमोरच समृद्धीला विजेचा शॉक

सोलापूर शहरात आठवड्यातून एकदा पाणी येत असल्याने पाण्याचा दाबही कमी असतो. पाणी उपसा करण्यासाठी विद्युत मोटार लावावी लागत असल्याने समृद्धीच्या घरातही मोटारीने पाणी भरले जात होते.

समृद्धीला विजेचा धक्का बसला तेव्हा आई सरोजा तिच्या समोरच होती. समृद्धीला वाचविण्यासाठी ती पुढे सरसावरली, पण माऊलीचा प्रयत्न व्यर्थ ठरला. जोरात ओरडत त्यांनी मुख्य स्विचमधून वायर काढली.
Mumbai Crime : मुंबईतील 24 वर्षीय तरुणीवर दुबईत सामूहिक अत्याचार, पाच नेपाळी तरुणांवर गंभीर आरोप
सरोजा यांचा आवाज ऐकून शेजारचे सुदर्शन साका, राजेंद्र कल्लोळ मदतीला आले. समृद्धी बेशुद्ध पडली होती. सीपीआरद्वारे तिला श्वास देण्याचा प्रयत्न केला. ती थोडी शुद्धीत आल्यासारखी वाटली. पण डॉक्टरांनी तिला मृत घोषित केले.

माझी समू कशी आहे?

मुलीचा जीव गेला हे ऐकताच आई सरोजा हिरेमठ या शासकीय रुग्णालयात धाय मोकलून रडत होत्या. त्यांची काही वेळ शुद्धही हरपली होती, तर वडिलांनाही दोन-तीन वेळा भोवळ आली. ते जागीच कोसळले.
Dog Attack : कर्जतमध्ये भटक्या कुत्र्यांचं थैमान, दोन गावांमधील चिमुरड्यांवर हल्ला, श्वानदंशाने कोवळे चेहरे कोमेजले
शुद्धीवर आल्यावर माझी समू कशी आहे हे विचारत होते, त्यांना धीर देण्यासाठी शेजाऱ्यांनी समृद्धीला काहीच झाले नाही. ती ठीक आहे असे खोटे सांगत त्यांना धीर देण्याचा प्रयत्न केला. मायबापाचा काळीज चिरणारा आक्रोश पाहून सोलापूर शासकीय रुग्णालयात आलेल्या प्रत्येकाच्या डोळ्यात पाणी आले होते.