काय आहे घटना?
दहा, आठ आणि पाच वर्षांच्या तीन सख्ख्या बहिणींचा मृत्यू झाल्याप्रकरणी, आकस्मिक मृत्यूची नोंद करण्यात आली होती. मुलींना जेवणातून विषबाधा झाली, मात्र आईला काहीच त्रास न झाल्याने मुलींचे वडील, नातेवाईकांनी आईवर संशय व्यक्त केला होता. यानंतर सपोनि नितीन खैरनार यांनी चौकशी केली असता, मुलींच्या आईनेच हत्या केल्याची बाब उघड झाली. ही महिला आयुष्याला कंटाळली होती. मुलींच्या खर्चाचा ताण, त्यांना सांभाळण्याचा कंटाळा आल्याने तिने तणनाशक औषध जेवणातील वरणात मिसळले.
समृद्धी महामार्गावरील अपघात रोखणार ‘लूम ॲलर्ट’; नागपूर विद्यापीठाची अनोखी कल्पना, काय आहे इनोव्हेटिव्ह मॉडेल?
३१ जुलैपर्यंत पोलिस कोठडी
मुलींच्या आईनेच मुलींना जेवणातून तणनाशक औषध देऊन त्यांची हत्या केल्याची बाब ठाणे ग्रामीण पोलिसांच्या चौकशीमध्ये निष्पन्न झाली आहे. पोलिसांनी आरोपी महिलेला अटक केली आहे. मुलींच्या खर्चाच्या ताणामुळे त्रस्त झाल्याने आणि मुलींना सांभाळण्याचा कंटाळा आल्याने तिने मुलींचा जीव घेतला. न्यायालयाने तिला ३१ जुलैपर्यंत पोलिस कोठडी दिली आहे. शहापूर तालुक्यातील एकाच कुटुंबातील १० , आठ आणि पाच वर्षांच्या तीन सख्ख्या बहिणींचा विषबाधेने मृत्यू झाल्याप्रकरणी, आकस्मिक मृत्यूची नोंद करण्यात आली होती.
खंडाळा घाटातील विचित्र अपघाताचं कारण काय? तब्बल 24 वाहनांना धडक, एक महिला जागेवरच ठार, २१ जखमी
पवईत खड्ड्यामुळे दुचाकीस्वाराचा मृत्यू?
पवई येथील रस्त्यावरील पाण्याने भरलेला खड्डा दुचाकीस्वाराच्या मृत्यूला कारणीभूत ठरला. खड्ड्याचा अंदाज न आल्याने दुचाकीस्वार खाली पडला. त्याचवेळी मागून आलेला डम्पर अंगावरून गेल्याने दुचाकीस्वार ठार झाला. मृत्यूमुखी पडलेल्याचे नाव लालू कांबळे (५९) असे आहे. मित्राला भेटण्यासाठी लालू कांबळे शनिवारी दुपारी बाहेर पडले. एनटीपीसी जंक्शन येथे आले असता त्यांना खड्डा दिसला. खड्डा पाण्याने भरलेला असल्याने त्यांना अंदाज आला नाही. त्यामुळे दुचाकीसह ते खाली पडले. त्याचवेळी मागून आलेला डम्पर कांबळे यांच्या अंगावरून गेला. कांबळे यांना राजावाडी रुग्णालयात नेण्यात आले. मात्र, त्यांना डॉक्टरांनी मृत घोषित केले. याप्रकरणी पवई पोलिसांनी डम्परचालकाला अटक केली आहे