शनिवारी पहाटे खराडीतील ‘स्टेबर्ड अझुर सूट’ हॉटेलमध्ये सुरू असलेल्या ड्रग पार्टीवर गुन्हे शाखेच्या अमली पदार्थविरोधी पथकाने छापा टाकून सात जणांना अटक केली होती. यामध्ये डॉ. खेवलकरांसह, श्रीपाद यादव व निखिल पोपटाणी यांच्यासह समीर सय्यद, सचिन भोंबे आणि इशा सिंग व प्राची शर्मा यांचा समावेश आहे. त्यांच्याकडून कोकेन, गांजा, दारूच्या बाटल्या, हुक्का पॉट असा मुद्देमाल जप्त करण्यात आला आहे. प्रांजल खेवलकर, पोपटाणी, सय्यद, यादव, भोंबे, सिंग आणि शर्मा यांची ओळख आधी झाली होती. यानंतर ते एकमेकांच्या संपर्कात आले. पोपटाणी हा सिगारेट वितरक आहे. सय्यदचा हार्डवेअरचा व्यवसाय आहे. यादव हा बांधकाम व्यावसायिक आहे. हे सर्व यापूर्वीही अशा पार्टी आयोजित करीत होते का, याचा तपास सुरू आहे. पोलिसांनी न्यायालयात म्हटले की, आरोपींना अमली पदार्थ कुठून मिळाले, त्यांनी हे पदार्थ सेवनासाठी ठेवले होते की विक्रीसाठी, त्यांचा अमली पदार्थ तस्करी करणाऱ्या टोळ्यांशी संबंध आहे का, याबाबत चौकशी गरजेची आहे.
Girish Mahajan : माझी नार्को टेस्ट करा, गिरीश महाजन यांनी खडसेंचं चॅलेंज स्वीकारलं

तीन तरुणी पळाल्या?

हॉटेलच्या परिसरात तीन तरुणी दिसल्या होत्या; परंतु काही वेळातच त्या निघून गेल्या. त्या नेमक्या कोण होत्या? त्या पार्टीसाठीच आल्या होत्या का, याचा तपास सध्या सुरू आहे. कोरेगाव पार्क-मुंढवा रस्त्यावरील एका पंचतारांकित हॉटेलमधील नामांकित पब एरवी पहाटे तीनपर्यंत सुरू ठेवला जातो. मात्र, शनिवारी मध्यरात्री दीड वाजताच पोलिसांनी बंद करायला भाग पाडले. पोलिसांच्या या कृतीवर अनेक प्रश्न उपस्थित होत आहेत. डॉ. खेवलकर आणि त्यांच्या सोबतचे लोक त्या पबमध्ये होते, अशी माहिती सूत्रांनी दिली. हा पब बंद झाल्यानंतर ते खराडी येथील हॉटेलमध्ये गेले. ड्रग पार्टीच्या आधी संबंधितांनी कल्याणीनगरमधील एका पबमध्ये आणि दुसऱ्या एका हॉटेलमध्ये पार्टी केल्याची माहिती पोलिसांनी दिली. मात्र, पव आणि हॉटेल वेळेत बंद झाल्यामुळे शेवटी ‘स्टेबर्ड अझुर सूट’ हॉटेलमध्ये पार्टी झाली.
Rohit Pawar : ‘कुठल्याही दबावाविना जे खरं आहे ते….’ रेव्ह पार्टीप्रकरणी रोहित पवार कडाडले, खडसेंची पाठराखणही केली

‘संपूर्ण प्रकरण बनावट’

‘ड्रग्ज पार्टी म्हणजे बालिशपणा वाटतो. एका फ्लॅटमध्ये जमल्यावर त्याला रेव्ह पार्टी म्हणता येणार नाही. खेवलकर यांनी कोणत्याही प्रकारचा अमली पदार्थ सेवन केला नाही, हे रक्त तपासणी अहवाल आल्यानंतर स्पष्ट होईल,’ असा दावा डॉ. खेवलकर यांचे वकील अॅड. विजयसिंह ठोंबरे यांनी न्यायालयात केला. ‘खेवलकर यांच्यावर पूर्वनियोजित पद्धतीने दोन वेळा ट्रॅप रचले गेले होते. संपूर्ण प्रकरण बनावट आहे,’ असा दावाही त्यांनी केला.