एकनाथ खडसे यांचे जावई प्रांजल खेवलकर यांना कथित रेव्ह पार्टीत सहभागी असल्याबाबत पुण्यातून अटक करण्यात आल्याने खळबळ उडाली. ‘सध्या ज्या प्रकारचे वातावरण आहे त्यावरून असे काही घडू शकते, असा अंदाज मला अगोदरपासूनच होता’, अशी प्रतिक्रिया खडसे यांनी व्यक्त करीत हे षडयंत्र असल्याचे सूतोवाच केले होते. खडसेंच्या या वक्तव्याचा समाचार महाजन यांनी घेतला. ‘काही कारवाई झाली तर हे षडयंत्र असल्याचे बोलणे योग्य नाही. प्रत्येकवेळी षडयंत्र कसे असेल? खडसे यांना असा अंदाज होता तर त्यांनी जावयाला सावध करायला हवे होते. पोलिस तपासातून सर्व गोष्टी स्पष्ट होतील’, असे गिरीश महाजन म्हणाले. ‘राऊतांना मोकाट सोडले’

खंडाळा घाटातील विचित्र अपघाताचं कारण काय? तब्बल 24 वाहनांना धडक, एक महिला जागेवरच ठार, २१ जखमी
राऊतांना मोकाट सोडले
‘गिरीश महाजन नावाचा सांड मोकाट सुटला आहे. याला आवरले नाही, तर हा देवेंद्र फडणवीस यांनाही गाडल्याशिवाय राहणार नाही,’ अशी टीका शिवसेना खासदार संजय राऊत यांनी केली होती. या टीकेलाही महाजन यांनी उत्तर दिले, की ‘मी काही राऊत यांना सांड म्हणणार नाही. त्यांना मोकाट सोडल्याने ते कुणाला काहीही बोलू शकतात.’‘काही जणांकडून संस्कृती नासविण्याचे काम’
‘खडसे यांच्या जावयानेच या रेव्ह पार्टीचे आयोजन केले होते. त्यांच्या नावावरच तेथील रूम आरक्षित होती. तेथे अल्कोहोल, ड्रग्ज सेवन झाले आहे. रक्त नमुन्यांच्या अहवालातून ते स्पष्ट होईल. काही लोक संस्कृती नासविण्याचे काम करीत आहेत. त्यामध्ये खेवलकर आहेत. तेथे आढळलेल्या मुलींवर लैंगिक अत्याचार झाले आहेत का, हे तपासायला हवे. अंमली पदार्थांच्या व्यवहारांत खडसे यांच्या पैशांची गुंतवणूक झाली आहे का, हे तपासणे आवश्यक असून, यासाठी उच्चस्तरीय चौकशी समिती नेमावी,’ अशी मागणी चाळीसगावचे आमदार मंगेश चव्हाण यांनी नाशिकमध्ये केली.
समृद्धी महामार्गावरील अपघात रोखणार ‘लूम ॲलर्ट’; नागपूर विद्यापीठाची अनोखी कल्पना, काय आहे इनोव्हेटिव्ह मॉडेल?
रेव्ह पार्टीबाबत फारशी माहिती नाही : मुख्यमंत्री
एकनाथ खडसे यांच्या जावयाच्या अटकेबद्दल मुख्यमंत्री देवेंद्र फडणवीस यांना नागपुरात प्रतिक्रिया विचारली असता त्यांनी रेव्ह पार्टीची माहिती माध्यमांतूनच मिळाल्याचे सांगितले. ‘माध्यमांत दिसले त्यावरून पुणे पोलिसांनी ही – पार्टी उधळून लावली. त्यावेळी काही ड्रग्ज सापडल्याचे कळते. – पोलिस अधिकाऱ्यांकडून पूर्ण माहिती घेतल्यानंतरच त्यावर अधिक बोलता येईल’, असे मुख्यमंत्री म्हणाले.
Chandrashekhar Bawankule: हिंमत असेल तर मंत्र्यांची नावे घेऊन आरोप करा; संजय राऊतांना बावनकुळेंचे आव्हान
जावई दोषी असेल तर शिक्षा व्हावी : खडसे
जावई असो किंवा अन्य कुणी असो जर दोषी असेल तर शासन झाले पाहिजे. पण कुणाला अडकवण्याचा प्रयत्न करणार असाल तर ते सहन करणार नाही. त्याचा निश्चितपणे विरोध करू, अशा शब्दांत आमदार एकनाथ खडसे यांनी प्रतिक्रिया व्यक्त केली आहे. ‘जर ती खरी रेव्ह पार्टी असेल व त्यात आमचे जावई गुन्हेगार असतील तर मी समर्थन करणार नाही. पण, पोलिस यंत्रणेने प्रामाणिकपणे तपास करावा, अशी अपेक्षा आहे’, असे खडसे म्हणाले