अजित पवारांनी विकास कामाची माहिती घेत असतान, कोणीही मध्ये आलं की ३५३ लावायचं. अजित पवार मध्ये आलं तरी लावायचं त्याशिवाय हे काम होणार नाही. आपल्याला संपूर्ण काम करून टाकायचं आहे, असं अजित पवार म्हणाले. त्यानंतर हिंजवडीच्या सरपंचांनी रस्त्यामध्ये मंदिरात येत असल्याचं सरपंच गणेश जांभुळकर यांनी सांगितलं. त्यानंतर दादा आक्रमक झाले आणि सर्वांसमोरच सरपंचांना खडे बोल सुनावले.
Ajit Pawar: ओढ्यांवरील इमारती पाडा; उपमुख्यमंत्री अजित पवार यांची हिंजवडीबाबत प्रशासनाला सूचना
अहो असू द्या, असू द्या हो साहेब, धरणं करताना मंदिर जातातच की नाही. तुम्हाला सांगायचं ते सांगा मी ऐकून घेतो, मी काय करायचे ते करतो. आपलं वाटोळं झालं, माझ्या पुण्यातून-महाराष्ट्रातून हिंजवडीचं सगळं आयटी पार्क बंगलोर- हैदराबादला बाहेर चाललं. तुम्हाला काय पडलं नाही. कशाला मी सहा वाजता येतो मला कळत नाही माझी माणसं नाहीत, हे केल्याशिवाय गत्यंतर नाही, असं अजित पवार आक्रमकपणे म्हणाले. त्यावेळी दादांना दिसलं की माध्यमांचे कॅमेरे चालू आहेत तेव्हा त्यांनी, कॅमेरे बंद करायला लावले.
Pune News : पुरंदर विमानतळासाठी काही शेतकऱ्यांचा जमिनी देण्यास नकार, अजितदादांनी स्पष्टच सांगितलं, आता…
दरम्यान, हिंजवडी परिसरात मोठे आयटी पार्क असून तिथे अनेक कंपन्या आहेत. त्यामुळे त्या भागात देशभरातून लोक नोकरीसाठी येत आहेत. वाढत्या लोकसंख्येमुळे तिथे वाहतूक आणि नागरी समस्याही वाढत आहेत. मागील पावसामुळे रोडवर पाणी साचल्याचे पाहायला मिळाले होते. हिंजवडी येथे राष्ट्रीय महामार्ग असल्याने पुणेकरांना गर्दीचा नाहक त्रास सहना करावा लागत आहे.