घरातील काम सांगतात यामुळे चिडलेल्या सुनबाईंनी सासर्‍याला संपवण्यासाठी विषप्रयोग केला. त्यांनी अन्नातून सासऱ्याला विष दिल्याचा धक्कादायक प्रकार समोर आहे. दरम्यान, आता याप्रकरणी सासरा आणि पती या दोघांवरही रत्नागिरी जिल्हा शासकीय रुग्णालय उपचार सुरु असून त्यांच्या प्रकृतीत सुधारणा होत असल्याची माहिती देवरुख पोलीस ठाण्याचे सूत्रांनी दिली आहे.

याप्रकरणी देवरूख पोलिसांकडून मिळालेल्या माहितीनुसार, संगमेश्वर तालुक्यात कोसुंब रेवाळेवाडी परिसरात राहणाऱ्या कुटुंबात ही धक्कादायक घटना घडली आहे. सासऱ्यासह पतीलाही या विषयप्रयोगाचा फटका बसला आहे. चिडलेल्या सुनबाईने सासरा काम सांगतो त्याचा राग मनात धरून एक मोठा प्लॅन केला. चक्क त्यांच्या जेवणामध्येच विषप्रयोग करण्यात आला.
UP News: नुसता राडा; पतीने हॉटेलमध्ये पत्नीला रंगेहाथ पकडलं, बॉयफ्रेंड विना कपडे रस्त्यावर पळत सुटला, पाहा VIDEO
याप्रकरणी सचिन जगन्नाथ सोलकर (वय 34 वर्षे) यांनी देवरुख पोलीस ठाण्यात फीर्याद दिली आहे. स्वप्नाली सचिन सोलकर (वय 32 वर्षे) असं संशयित महिला आरोपी असलेल्या सुनबाईचे नाव आहे. या प्रकारे गौरव पोलिसांनी शुक्रवारी गुन्हा दाखल करून या महिलेला अटक केली असून तिची चौकशी सुरू आहे.

सचिन सोलकर व स्वप्नाली सोलकर यांचा 13 एप्रिल 2025 रोजी विवाह झाला. या सुनबाईंनी ज्यांच्यावर विषप्रयोग करण्याचा प्रयत्न केला ते सासरे जगन्नाथ सोलकर हे घरातील कचरा काढणे, साफसफाई करणे व घरातील काम करण्यास सांगतात. याच रागातून हा प्लॅन आखला गेला. स्वप्नाली हिने त्यांना जीवे ठार मारण्यासाठी चक्क जेवणामध्ये विषारी द्रव्याची मात्रा मिसळली, अशी माहिती तिचा पती सचिन सोलकर याने देवरुख पोलीस ठाण्यात दिलेल्या फिर्यादीत दिले आहे. हे जेवण सासरे जगन्नाथ व सचिन या दोघांनीही खाल्ले व या दोघांनाही जेवणानंतर अचानक अस्वस्थ वाटू लागलं ही धक्कादायक घटना 22 जुलै रोजी रात्रीच्या सुमारास घडली.
Ratnagiri News: महिला पोलिसाचा प्रसूती दरम्यान दुर्दैवी मृत्यू, बाळही दगावलं, दोन लेकींचं मातृछत्र हरवलं; रत्नागिरीत हळहळ
या दोघांनाही तातडीने देवरुख ग्रामीण रुग्णालयात दाखल करण्यात आलं. पुढील उपचारासाठी त्यांना तातडीने रत्नागिरी जिल्हा शासकीय रुग्णालयात दाखल करण्यात आले असून या दोघांवरही सध्या उपचार सुरू आहेत. याचवेळी त्यांना जेवणातून विषबाधा झाल्याने हा त्रास झाल्याची प्राथमिक माहिती वैद्यकीय अहवालात समोर आली. त्यानंतर देवरुख पोलिसांनी तातडीने संशयित महिला आरोपी सुनबाई स्वप्नाली सोलकर हीच्यावर देवरूख पोलीस ठाण्यात शुक्रवारी गुन्हा दाखल करून पोलीसांनी ताब्यात घेऊन तिला अटक केली आहे.

या सगळ्या प्रकरणाची गंभीर दखल जिल्हा पोलीस अधीक्षक नितीन बगाटे यांनी घेतली आहे. उपविभागीय पोलीस अधिकारी निलेश माईनकर यांनी घटनास्थळी भेट दिली आहे. देवरूख पोलीस निरीक्षक उदय झावरे, पोलीस हेड कॉन्स्टेबल प्रशांत मसुरकर, हे. काँ. सचिन पवार, हे. काँ. सचिन कामेरकर, सहाय्यक पोलीस फौजदार श्रीकांत जाधव, महिला पोलीस कॉन्स्टेबल मंजुश्री पाडावे या पोलिसा पथकाने या सगळ्या घटनेचा पंचनामा केला आहे. पोलीस अधीक्षक नितीन बगाटे, अपर जिल्हा पोलीस अधीक्षक बाबुराव महामुनी यांच्या मार्गदर्शनाखाली देवरुख पोलीस अधिक तपास करत आहेत.