PMP Bus Pune: पीएमपीने मेट्रोच्या प्रवाशांसाठी आतापर्यंत २२ मार्ग सुरू केले आहेत. यामधील बहुतांश मार्गांना प्रवाशांचा चांगला प्रतिसाद मिळत असल्याचे दिसत आहे; पण काही मार्गाचे प्रतिकिलोमीटर उत्पन्न १० ते २० रुपयेच असल्याचे दिसून आले आहे.
महाराष्ट्र मेट्रो रेल कॉर्पोरेशन लिमिटेड कडून (महामेट्रो) पुण्यात वनाझ ते रामवाडी आणि पिंपरी-चिंचवड ते स्वारगेट मार्गावर मेट्रो सेवा सुरू आहे. या दोन्ही मागाँवर एकूण २९ मेट्रो स्टेशन सुरू झाले आहेत. यांपैकी महत्त्वाच्या आणि अगोदर पीएमपी सेवा नसलेल्या मेट्रो स्टेशन येथून फीडर सेवा सुरू करण्यात आली आहे, तर काही मार्ग मेट्रो स्टेशनपासून वळविण्यात आले आहेत. त्यामुळे अनेक मार्गांना मेट्रोचा फायदादेखील होताना दिसत आहे. फक्त काही मेट्रो स्टेशनपासून सुरू केलेल्या फीडरला म्हणावा असा प्रतिसाद मिळत नसल्याचे दिसत आहे, तर काही मेट्रो फीडरला हळूहळू प्रतिसाद वाढत आहे. मेट्रो मार्गांचे प्रति किलोमीटर उत्पन्न (ईपीके) ५०च्या जवळ गेले आहे.
हनी ट्रॅप प्रकरणात भाजपचे प्रफुल्ल लोढा अटकेत, एकनाथ खडसेंचं महाजनांकडे बोट; म्हणाले, आरोपी….
खडकी मेट्रो स्टेशनपासून ‘फीडर’ आवश्यक
‘महामेट्रो’ने नुतकेच खडकी स्टेशन सुरू केले असून, येथून प्रवास करणाऱ्याची संख्या वाढत आहे. औंध व पुणे विद्यापीठच्या पाठीमागील बाजूच्या परिसरातील नागरिक या मेट्रो स्टेशनचा वापर करतात; पण मेट्रो स्टेशनपासून औंधकडे जाण्यासाठी फीडर सेवा नाही. त्यामुळे रिक्षाने प्रवास करण्याशिवाय पर्याय नाही. त्यामुळे खडकी मेट्रो स्टेशनपासून औंधसाठी फीडर सेवा सुरू करण्याची मागणी प्रवाशांकडून केली जात आहे
मेट्रोसाठी सुरू केलेल्या फीडर मार्गावर प्रवाशांचा प्रतिसाद वाढत आहे. नव्याने काही मार्ग सुरू केले असून, त्याला हळूहळू प्रतिसाद वाढताना दिसतोय. काही महिन्यानंतर मार्गावरील प्रवाशांचा आढावा घेऊन त्यामध्ये बदल केला जातो. -सतीश गव्हाणे, मुख्य वाहतूक व्यवस्थापक, पीएमपी, पुणे
Pune Crime: आईला वृद्धाश्रम, तर बहिणीला मनोरुग्णालयात धाडलं; वडिलोपार्जित संपत्तीसाठी लेकाचं संतापजनक कृत्य
दृष्टिक्षेपात
२२ —मेट्रोचे एकूण फीडर मार्ग
१० लाख ३८ हजार —जून महिन्यात मेट्रो फीडर मार्गावरील प्रवासी
एक कोटी ७२ लाख —जून महिन्यात मेट्रो फीडर मार्गावरील उत्पन्न
८४ —फीडर मार्गासाठी वारल्या जाणाऱ्या बसची संख्या
४९.७९ —जून महिन्यातील मेट्रो फीडर मार्गाचा ‘ईपीके’
Pune Crime: इंजिनिअरिंगचा ‘टॉपर’ निघाला चोर; पुण्यात दागिने चोरुन कर्नाटकला पळालेला, ‘असा’ अडकला जाळ्यात
सर्वाधिक प्रतिसाद असलेले पहिले पाच मार्ग
मार्ग –ईपीके
शिवाजीनगर ते नन्हे गाव —६९
स्वारगेट ते अप्पर —७१
धनकवडी ते शिवाजीनगर —६२
वनाझ मेट्रो ते बावधन गाव —५०
पिंपरी मेट्रो ते म्हाळुंगे —५१
सर्वात कमी प्रतिसाद असलेले मार्ग
मार्ग ईपीके
पिंपरी रोड (वर्तुळ) —१०
हडपसर ते कल्याणीनगर मेट्रो —१९
स्वारगेट ते राजस सोसायटी —१९
रामवाडी ते विमानतळ —२१
नाशिक फाटा ते सेक्टर १२ —२२
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा