Fashion Street Revamp: मुंबईतील फॅशन स्ट्रीटचा लवकरच कायापालट होणार आहे. छत्रपती शिवाजी महाराज टर्मिनस आणि चर्चगेट स्टेशनजवळ असलेले हे प्रसिद्ध मार्केट आता नव्या रूपात दिसेल. मुंबई महानगरपालिकेने यासाठी योजना तयार केली आहे. मात्र, फॅशन स्ट्रीटच्या व्यापाऱ्यांनी या योजनेला विरोध दर्शवला आहे. त्यामुळे या प्रकल्पाच्या कामाला विलंब होण्याची शक्यता आहे.
छत्रपती शिवाजी महाराज टर्मिनस आणि चर्चगेट स्थानकापासून अवघ्या दहा मिनिटांच्या अंतरावर विविध कपडे खरेदीसाठी फॅशन स्ट्रीट आहे. या भागात मोठ्या प्रमाणात खरेदीदार येत असतात. यामध्ये पर्यटकांचाही समावेश असतो. सणासुदीत येथे मोठया प्रमाणात खरेदीदारांची गर्दी होते. येथे ३९७ स्टॉल आहेत. फॅशन स्ट्रीटवरील दुकानांमुळे फूटपाथ व्यापला असून खरेदीदारांना चालण्यासाठी जागाही उपलब्ध नसते. तसेच तासंतास खरेदीत वेळ गेल्यावर या भागात बसण्यासाठी आसनव्यवस्थाही नाही, तर चांगले स्वच्छतागृहे नसल्याने महिलांचीही गैरसोय होते. फॅशन स्ट्रीट आणि त्याच्या विरुद्ध दिशेला असलेल्या महापालिका चौक्यामुळे क्रॉस मैदान आणि आझाद मैदान पूर्णपणे झाकोळले जाते.
Devendra Fadnavis: मुंबई सेंट्रलला ‘नाना शंकरशेट’ असे नाव देण्याचा प्रस्ताव, मुख्यमंत्र्यांची विधीमंडळात माहिती
महापालिकेची खर्चाची तयारी
महापालिकेच्या प्रस्तावानुसार फॅशन स्ट्रीटच्या फूटपाथवर सध्या एकाच रांगेत असलेल्या स्टॉलची रचना बदलण्यात येणार आहे. त्याऐवजी समोरासमोर प्रत्येकी तीन स्टॉल उभारतानाच एका रांगेत तीन स्टॉल असतील. समोरासमोर असणाऱ्या स्टॉलमध्ये अंतर राहील. तर बाजूलाच असणाऱ्या स्टॉलच्या मध्येही अंतर ठेवताना क्रॉस मैदान आणि आझाद मैदान पर्यटकांना दिसू शकेल. तर फूटपाथही काहीसे मोकळे राहतील. स्टॉल उभारणीसह अन्य कामासाठी महापालिकेने खर्चाची तयारी दर्शवली आहे.
‘अंतर कमी होईल’
फॅशन स्ट्रीट व्यापाऱ्यांनी महापालिकेचा प्रस्ताव मान्य करण्यास नकार दिला आहे. फॅशन मार्केट व्यापारी अससोसिएशनचे अध्यक्ष विजय शेट्टी यांनी, महापालिकेचा प्रस्ताव मान्य नसल्याचे सांगितले. ‘समोरासमोर स्टॉल उभारल्यास फूटपाथवरील अंतर आणखी कमी होईल, असा दावा केला. यामध्ये दोन मीटरची जागा सोडली जाणार असून त्यामुळे ग्राहकांना किंवा पादचाऱ्यांना चालण्यासाठी जागाही उपलब्ध राहात नाही. आम्हालाही सामान ठेवण्यात समस्या येऊ शकते.
धनंजय मुंडे यांच्या डायलॉगला उत्तर, करुणा शर्मांनी शायरीतून केलं भाष्य
अशा अनेक समस्येमुळे आम्ही सगळे स्टॉल एकाच रांगेत असावे आणि पाच स्टॉलनंतर मोकळी जागा असावी जेणेकरून त्यामागील मैदान दिसेल, असा आम्ही नियुक्त केलेल्या वास्तुविशारदामार्फत प्रस्ताव महापालिकेसमोर ठेवला आहे. मात्र महापालिकेने त्यांचीच संकल्पना राबवण्याचा प्रयत्न केला तर आम्ही न्यायालयात जाऊ’, असा इशारा शेट्टी यांनी दिला आहे. येथे ३९७ स्टॉल असून यातील १३६ स्टॉल खूप जुने आहेत. हे स्टॉल दीड मीटरचे लहान आहेत. तर बाकी स्टॉल हे त्यापेक्षा मोठे आहे