Latur Suraj Chavan यांनी म्हटलंय की, “राष्ट्रवादी काँग्रेसचे पदाधिकारी आणि छावा संघटनेचे पदाधिकारी यांच्यात काल थोडासा वाद निर्माण झाला होता. काही असंवैधानिक शब्द वापरल्यामुळे माझ्यासह राष्ट्रवादीच्या इतर पदाधिकाऱ्यांना राग अनावर झाला होता. मात्र काही माध्यमांमध्ये बातम्या चालवल्या जात आहे की, शेतकऱ्याच्या प्रश्नावर आवाज उठवल्यामुळे ही मारहाण करण्यात आली. पण मी स्वत: शेतकऱ्याचा पोरगा आहे, शेतकऱ्याच्या प्रश्नावर कोणी आवाज उठवत असेल तर त्याच्या पाठीशी उभं राहणं, मी माझी जबाबदारी समजतो. मात्र आमच्या नेतृत्वाबद्दल असंवैधानिक शब्द वापरला गेल्याने आमच्याकडून तशी कृती झाली. याबद्दल मी दिलगिरी व्यक्त करतो. तसंच मी लवकरच याप्रकरणी विजय घाटगे पाटील यांची भेट घेऊन त्यांच्या मनात जे गैरसमज निर्माण झाले आहेत, ते दूर करेन,” अशी भूमिका सूरज चव्हाण यांनी मांडली आहे.

मोठी बातमी: हनी ट्रॅप प्रकरणात नाशिकच्या त्या हॉटेलवर अखेर छापा, बड्या अधिकाऱ्यांसह मंत्रीही अडकणार?
“महाराष्ट्राला यशवंतरावजी चव्हाण यांच्यासारख्या सुसंस्कृत नेत्याचा वारसा आहे. त्यांचाच आदर्श मानून आमचे नेते अजितदादा पवार काम करतात. अजितदादांच्या नेतृत्वाखाली काम करताना महाराष्ट्राच्या राजकीय परंपरेला धक्का लागणार नाही याची काळजी आम्ही घेत आलो आहोत. मात्र अलीकडच्या काळात काही घटक आमच्या नेतृत्वावर अत्यंत हीन पातळीवरची टीका करीत आहेत. त्याबद्दल कार्यकर्त्यांच्या मनात संताप होता. छावा संघटना ही अन्यायाविरुद्ध लढणारी संघटना आहे त्यामुळे आम्हाला ती बंधुसंघटना वाटते. त्यांनी प्रदेशाध्यक्ष आदरणीय सुनील तटकरे यांना निवेदन देणे किंवा त्यांच्या अंगावर पत्त्याची पाने भिरकावणे हे आम्ही समजू शकतो. तो त्यांच्या अभिनव आंदोलनाचा प्रकार असू शकतो. परंतु तिथून निघताना संबंधितांनी आमच्या नेत्यांबद्दल अत्यंत घाणेरडे उल्लेख करीत शिवीगाळ केली. ते ऐकून कार्यकर्त्यांकडून उत्स्फूर्तपणे मारहाणीचा प्रकार घडला. अर्थात तो घडायला नको होता. परंतु दुर्दैवाने घडून गेला. त्याबद्दल आम्ही जाहीर दिलगिरी व्यक्त करतो,” असंही सूरज चव्हाणांनी म्हटलं आहे.

नेमकं काय घडलं?

पत्रकार परिषदेत ‘छावा’च्या कार्यकर्त्यांनी Sunil Tatkare यांच्यासमोर पत्ते टाकले. तटकरे यांनी निवेदन घेऊन, त्यांचे समाधान करण्याचा प्रयत्न केला. विश्रामगृहाच्या खालीही घोषणाबाजी सुरू होती. या वेळी राष्ट्रवादी काँग्रेस Ajit Pawar Group युवक प्रदेशाध्यक्ष Suraj Chavan आणि कार्यकर्त्यांनी घाटगे यांना बाजूला नेऊन मारहाण केली. हा प्रकार समजल्यानंतर पोलिस अधिकारी आणि कर्मचारी घटनास्थळी पोहोचले. हा सर्व घटनाक्रम कॅमेऱ्यात कैद झाला.