काय घडलं?

नेरळ पोलिसांनी दिलेल्या माहितीनुसार, हेमंत जाधव इको कारने माथेरानला जात होते. त्याचवेळी बदलापूरचे क्रिश पटेल आपल्या कुटुंबासोबत MH 01 PA 4269 या इनोव्हा कारने माथेरानहून परत येत होते. घाट उतरताना इनोव्हा कारचे ब्रेक फेल झाले. त्यामुळे चालकाचा गाडीवरील ताबा सुटला आणि समोरून येणाऱ्या इको कारला धडक झाली.Raigad News : आधी बेपत्ता, नंतर नदीकिनारी बॉडी; घराबाहेर गेली ते आलीच नाही…विवाहितेच्या मृत्यूने रायगडमध्ये खळबळ

ब्रेक न लागल्याने अपघात झाला

अपघातात इको कार चालक हेमंत जाधव यांच्या डोळ्याला दुखापत झाली. ते थोडक्यात बचावले. इनोव्हा कारमध्ये सात प्रवासी होते. काही जणांना गंभीर दुखापत झाली आहे. “ब्रेक न लागल्याने अपघात झाला,” असे इनोव्हा चालकाने सांगितले. जखमींना नेरळमधील डॉ. शेवाळे यांच्या हॉस्पिटलमध्ये दाखल केले आहे. नेरळ पोलीस या घटनेचा अधिक तपास करत आहेत. माथेरानच्या घाटात अपघातांची मालिका सुरूच आहे. काही दिवसांपूर्वी एक कार रेलिंग तोडून दरीत कोसळली होती. तर, हैदराबादहून आलेले पर्यटकही अपघातात जखमी झाले होते.Chhatrapati Sambhajinagar: अनधिकृत बांधकामांचा पंचनामा नाहीच, थेट तोडफोड! मोबदल्यासाठी आता होणार बाधितांचे हाल

आणखी एक घटना

पावसाळी पर्यटनासाठी मुंबई आणि पुणे येथील पर्यटक रायगडकडे मोठ्या प्रमाणात आकर्षित होत असतात. मुंबई महानगर पालिका हद्दीत असणाऱ्या गोवंडी येथून पावसाळी पर्यटनासाठी बारा पर्यटक हे तीन प्रवासी रिक्षातून रायगडच्या खालापूर येथील लोधीवली येथे असणाऱ्या पाझर तलावावर आले होते. शुक्रवार दिनांक 18 जुलै 2025 रोजी ते मौजमजा करण्यासाठी इतर पर्यटकांसोबत आले होते. मौज मजा करीत असताना सायंकाळी चार वाजण्याचा सुमारास गोवंडी येथून आलेल्या बारा पर्यटकांपैकी 47 वर्षीय सुनील मोरे यांना पाण्याचा अंदाज आला नाही आणि त्यांचा तलावात बुडून मृत्यू झाल्याची घटना घडली आहे.