शिरसाळा येथील मारूतीचे दर्शन घेण्यासाठी मित्रांसोबत जात असलेल्या तरूणाच्या दुचाकीला भरधाव डंपरने जोरदार धडक दिली. या घटनेत वराड येथील 19 वर्षीय तरूणाचा मृत्यू झाला, तर त्याचा मित्र गंभीर जखमी झाल्याची घटना शनिवारी 19 जुलै रोजी सकाळी सहा वाजता नशिराबाद गावाजवळील टोल नाक्याजवळ घडली आहे. एकुलता एक मुलगा गेल्याने आई-वडिलांनी प्रचंड आक्रोश केल्याचे पहायला मिळाले. याबाबत नशिराबाद पोलीस ठाण्यात अकस्मात मृत्यूची नोंदकरण्यात आली आहे. हर्षल राजू पाटील (वय 19 रा. वराड ता. धरणगाव) असे मयत झालेल्या तरूणाचे नाव आहे.
Gujarat Crime: दोघांत वाद अन् CRPF जवानाने ASI प्रेयसीला कायमचं शांत केलं, घटनेने पोलीसही सुन्न
धरणगाव तालुक्यातील वराड गावात हर्षल पाटीलहा तरूण आई, वडील आणि बहीण यांच्यासोबत वास्तव्याला होता. बोदवड तालुक्यातील शिरसाळा येथील जागृत मारूतीचे दर्शन घेण्यासाठी जिल्हा बाहेरून दर शनिवारी अनेक भाविक जात असतात. हर्षल पार्टील हा गावातील 8 ते 10 मित्रांसोबत दुचाकीने शनिवारी 19जुलै रोजी पहाटे दर्शनासाठी निघाला होता.

त्यावेळी त्याच्यादुचाकीवर त्याच्यासोबत मित्र कुणाल गोकुळ पाटील (रा. वराड़ ता. धरणगाव) हा होता. सकाळी सहा वाजेच्यासुमारास नशिराबाद गावाजवळील टोलनाका जवळील पुलावरून जात असताना भरधाव डंपरने हर्षलच्या दुचाकीला जोरदार धडक दिली. या धडकेत हर्षल पाटील हा तरूण ठार झाला तर सोबत असलेला कुणाल पाटील हा गंभीर जखमी झाला. त्याला तातडीने खासगी रूग्णालयात उपचारासाठी दाखल करण्यात आले.

हर्षल हा आई- वडिलांचा एकुलता एक मुलगा असल्याने नातेवाईकांनी एकच आक्रोश केला होता. याबाबत नशिराबाद पोलीसठाण्यात अकस्मात मृत्यूची नोंद करण्यात आली. पुढील तपास पोलीस कर्मचारी करीत आहे.