भारत हा जगातील सर्वाधिक खाद्यतेल वापरकर्ता देश आहे. त्यासाठी दरवर्षी ६० ते ६५ टक्के खाद्यतेल हे तयार किंवा कच्च्या स्वरूपात किंवा तेलबियांच्या स्वरूपात आयात करावे लागते. आयातीत प्रामुख्याने पामतेल व सूर्यफूल तेलाचा समावेश असतो. उर्वरित तेलाची मागणी देशांतर्गत शेंगदाणा, सोयाबीन व काही प्रमाणात कापसाच्या बीपासून तयार होणाऱ्या तेलापासून पूर्ण होते. मात्र आता यंदा आयात वाढण्याची शक्यता खाद्यतेल व्यापाऱ्यांनी व्यक्त केली आहे.
Mumbai Local Mega Block: मुंबईकरांचा खोळंबा! रविवारी तिन्ही रेल्वेमार्गावर मेगाब्लॉक, कोणत्या लोकल रद्द? पाहा Timetable
‘भारतात पेट्रोलमध्ये १० टक्क्यांपर्यंत इथेनॉल मिश्रणाला परवानगी आहे. ही टक्केवारी आणखी वाढवण्याचे नियोजन आहे. त्यामुळे येत्या काळात इथेनॉलची मागणी सातत्याने वाढत राहील. देशात सर्वाधिक इथेनॉल हे मक्यापासून तयार होते. त्यामुळे मक्याचा भाव सातत्याने वाढत आहे. सरासरी १५ हजार रुपये प्रतिटन असलेला मक्याचा भाव मागील अवघ्या चार वर्षांत २५ हजार रुपये टनांच्या घरात गेला आहे. ही भाववाढ सोयाबीन, शेंगदाणा उत्पादकांना आकर्षित करीत असल्याने त्या पिकांचे शेतकरी झपाट्याने मक्याकडे वळत आहेत. त्यातूनच खाद्यतेलबिया उत्पादनात घट होण्याची दाट चिन्हे आहेत. त्या स्थितीत येत्या काळात मागणी वाढली की, आयात ७० टक्क्यांपर्यंत जाण्याची चिन्हे आहेत,’ असे असोसिएशनचे राष्ट्रीय अध्यक्ष शंकर ठक्कर यांनी ‘महाराष्ट्र टाइम्स’ला सांगितले.
Ganeshotsav 2025: गणेशोत्सवात सरकारही सहभागी; राज्य महोत्सवाच्या निमित्ताने सरकारकडून विविध घोषणा
सोयाबीनला सध्या चार हजार ८९२ रुपये प्रतिटन इतका हमीभाव केंद्र सरकारकडून दिला जात आहे. हा भाव मागील वर्षीपेक्षा १० ते १२ टक्के कमी आहे व या तुलनेत मक्याचा भाव खूप जास्त आहे. या स्थितीत येत्या काळात खाद्यतेल आयात कमी करण्यासाठी व त्यातून होणारी दरवाढ रोखण्यासाठी इथेनॉल व अन्य जैव इंधनातील मक्याच्या वापराबाबत तातडीने निर्णय घेण्याची मागणी खाद्यतेल व्यावसायिकांनी केली आहे.
शेतकरी कर्जमाफीचे आश्वासन पूर्ण करणार पण…; मुख्यमंत्री देवेंद्र फडणवीसांचं मोठं वक्तव्य
सध्या वाढलेले भाव असे…
तेलाचा प्रकार -मे महिन्यात -सध्या (रु.)
शेंगदाणा —-१७०-१८० —१९०-२००
सोयाबीन —१२५-१४० —१४०-१५५
सूर्यफूल —११५-१२० —१३०-१३५
राइसनान —१०५-११० —१२०-१२५
पाम —८५-९० —१००-१०५
अन्य (मिश्रित) —११०-१२० —१२५-१४०