राष्ट्रवादी अजित पवार गटाच्या वतीने प्रदेशाध्यक्ष सुनील तटकरे यांनी निर्धार पर्वाचा महाराष्ट्र दौरा सुरू केला आहे.या निर्धार पर्वाचा निमित्ताने तटकरे छत्रपती संभाजी नगर मध्ये होते. शहरातील उस्मानपुरा भागातील संत एकनाथ रंग मंदिरामध्ये कार्यकर्ता संवाद मिळावा घेण्यात आला. यावेळी सुनील तटकरे यांच्या उपस्थितीमध्ये पक्षप्रवेश सोहळा पार पडला. यावेळी राष्ट्रवादीचे माजी नगरसेवक अजीम खान गनी खान, काँग्रेसचे माजी नगरसेवक अमोल, अपक्ष माजी नगरसेवक अब्दुल बकर स. हाफिज, अपक्ष नगरसेवक नूर जहा बेगम रहमान खान, अपक्ष माजी नगरसेवक मसूद भाई यांच्यासह शेकडो कार्यकर्त्यांनी प्रदेशाध्यक्ष सुनील तटकरे यांच्या उपस्थितीमध्ये पक्षप्रवेश केला.

लोकसभा निवडणुकीच्या वेळी विरोधकांनी एनडीए पक्षाचा सरकार आल्यानंतर अल्पसंख्यांक समाजाचे नुकसान होईल अस वातावर निर्माण केलं.तसेच संविधान बदलणार अस सांगितलं.या खोटा नरेटिव्ह सेट केला आहे. यावेळी चंद्र सूर्य असे पर्यंत संविधान बदलणार नाही अस आम्ही सांगत होतो. मात्र लोकसभेत आमचा पराभव झाला. मात्र आम्ही कच्चे खेळाडू नाही. आम्ही खचलो नाही. राखेतून पक्षी भरारी घेतो तशी भरारी आम्ही घेतली. ५९ पैकी ४१ जागा आम्ही निवडून आणल्या आहे असं तटकरे म्हणाले.

विधानसभा निवडणुकीनंतरच सत्ताधारी पक्षाकडे मोठ्या प्रमाणात इन्कमिंग सुरू झाले आहे. या वर्षाच्या अखेरीपर्यंत स्थानिक स्वराज्य संस्थांच्या निवडणुका पार पडणार आहेत. त्यामुळे महायुतीतील सर्वच पक्ष मोर्चेबांधणी करत आहेत. भाजपकडून ऑपरेशन कमळ, शिवसेना शिंदे गटाकडून ऑपरेशन टायगर सुरू करण्यात आले आहे. यानुसार ठाकरे गट, शरद पवार गट आणि काँग्रेसमधील बड्या नेत्यांनीही महायुतीची वाट धरली आहे.