इच्छाशक्ती असली की हवे असलेले साध्य करता येते याची प्रचिती नांदेडमध्ये पाहायला मिळतेय. दोन्ही हात नसताना देखील खचून न जाता नांदेडच्या तरुणाने एमपीएससी परीक्षा उत्तीर्ण केलीय. वैभव पईतवार असं या तरुणाचं नाव असून अपंगत्वाला मात करत त्याने यश संपादित केलंय. २००८ साली विद्युत तारेचा स्पर्श झाल्याने वैभवचे दोन्ही हात निकामी झाले.मात्र खचून न जाता शिक्षण सुरूच ठेवलं अन् एमपीएससी परीक्षेतही यश मिळवलं.
